Site icon The Aizawl Post

India tan inelna liana inlan zo lo tur Deepika

India tan inelna liana inlan zo lo tur Deepika
Asian Games, World Cup leh World Championship-a thal kap tur India team-ah archery world number one hlui Deepika Kumari a lang pha lo!
Thawhtanni khan thalkah inelna lian pathuma India aiawh turte hming tarchhuah niin, nau neih chawlh hmang zo Deepika hming a tel ve ta lo a ni.
World Cup gold medallist ni nawn awn awn tawh Kumari hi thla hmasa khan Kolkata khawpuia Sonipat hmuna Sports Authority of India centre-a ‘trial’ thawh khatna women’s recurve event-ah pasarihna a ni pha chauh a, ni thum awh trial final leg-ah phei chuan top eight pawh a luah zo lo a, India team thar tarchhuahah India archery star hraw hmuh tur a awm ve ta tlat lo!
He trial-a upset dang kan hmuh chu junior champion lai leh cadet world champion hlui ni bawk Komalika Bari bakah national champion pawh lo ni ve tawh Ridhi Phor-te chu top-eight pawn lamah a tawlhchhuak.
Kumin inelna lian paruka tel tur India thalkap mite hi team hniha then tur niin, Asian Games bakah World Cup stage pali leh World Championships an hmachhawn ang.
Deepika lang pha lo mah se kumkhat chuang hnuah a pasal Atanu Das chu India number one niin team-ah a kirleh thung.
Nikuma trail paltlang zo lo two-time Olympian Das hi India tana a inlan hnuhnunber chu Tokyo Olympics kha a ni.
Deepika tan pawh a zawna Olympic vawili hmachhawn tling turin chance a la awm dawn a, nakum January thla hian Paris 2024 atan trial a hmachhawn thei ang.
A hun tihdanglam kumin Asian Games hi Hangzhou-ah an kaltlangpui thei lo a nih chuan national federation lamin October-November chhung hian trail thar an huaihawt zui leh bawk dawn a ni.
Outdoor archery calendar hi April 18-23 chhunga Antalya khawpuia World Cup hmasaberin an tan dawn a; Shanghai leh Medellin chuan second stage (May 16-21) leh third stage (June 13-18) an dawl ang.
Kumin World Championships hi Berlin-in July 31-August 6, chhungin a thleng dawn a, Paris Olympics atana ‘quota’ pe-chhuaktu pakhat ni nghalin, Asian Games hi September ni 23 atangin Hangzhou khawpuia tan tura ruahman a ni.

Indian Teams

Recure Men: 1 Bommadevara (SSCB), 2 Atanu Das (PSPB), 3 Tarundeep Rai (SSCB), 4 Neeraj Chauhan (AIPSCB), 5 Tushar Shelke (AIPSCB), 6 Mrinal Chauhan (Jharkhand), 7 Jayanta Talukdar (Jharkhand), 8 Indrachand Swami (Punjab).

Recurve Women: 1 Bhajan Kaur (Haryana), 2 Aditi Jaiswal (Bengal), 3 Ankita Bhakat (Jharkhand), 4 Simranjeet Kaur (Punjab), 5 Madhu Vedwan (RSPB), 6 Sangeeta (Haryana), 7 Tanisha Verma (Punjab), 8 Prachi Singh (Rajasthan).

Compound Men: 1 Prathamesh Jawkar (Maharashtra), 2 Rajat Chauhan (Rajasthan), 3 Ojas Deotale (Maharashtra), 4 Rishabh Yadav (Haryana), 5 Abhishek Verma (Delhi), 6 Amit (SSCB), 7 Harsh Borate (Maharashtra), 8 Kushal Dalal (Haryana).

Compound Women: 1 Avneet Kaur (Punjab), 2 Jyothi Surekha Vennam, 3 Aditi SWami (Maharahstra), 4 Sakshi Chaudhary (UP), 5 Pragati (Delhi), 6 Raginee Marko (MP), 7 Parneet Kaur (Punjab), 8 Taniparthi Chikitha (Telengana).

Exit mobile version