Kum 2005-2014 liam-ta chhunga India tana khel tawh Clifford Miran-da kha All Indian Foot-ball Federation (AIFF) chuan Indian men’s U-23 team head coach ni turin Ningani khan a ruat.
Kumin April thla mai khan Mirabda hian ISL team Odisha FC chu Su-per Cup title a lakpui a, AIFF sawmna pawmin national team tenau zawk a enkawl zui dawn ta a ni.
AIFF technical co-mmittee hian Nallappan Mohanraj chu assistant coach atan ruatin, Ra-ghuvir Khanwalkar chu goalkeeping coach atan an la a, Gavin Elias Araujo pawhin fitness coach niin team a zawm ve nghal bawk.
He technical commi-ttee meeting hi chairman niin IM Vijayan chuan video conferencing kal-tlangin a kaihruai a, meeting chhimtute chu Pinky Bompal Magar, Harjinder Singh, Arun Malhotra, Climax Law-rence, Eugeneson Lyng-doh leh AIFF technical director Syed Shabir Pasha-te an ni.
Tarlan tawh angin, Miranda hian midfielder nia kum kua lai India tana a khelh chhung khan SAFF Champion-ship title pahnih, Nehru Cup title pahnih leh AFC Challenge Cup trophy pakhat Blue Tigers tan a lakpui hman.
Club level-ah chuan Dempo SC thuam inbel chungin tum nga NFL/I-League champion a ni hman.
Miranda hi Indian coach zinga ISL team tana major title sual-chhuak thei hmasaber niin, kumin April thla khan a team enkawl Odisha FC chu Kerala rama Super Cup final-ah a chakpui a, 2-1-in Bengaluru FC an hneh.
AIFF secretary ge-neral Dr Shaji Pra-bhakaran chuan China rama AFC U-23 Asian Cup qualif-iers khel tur Indian men’s U-23 na-tional team head coach hna chelh thar Clifford lawmpuina thu-chhuah siamin, Odisha FC tana Super Cup lama Cli-fford-a hnathawh a tar-chhuak a, Indian team tan pawh tha taka a hna a hlenchhuah ngei an beisei tlat thu a tarlang tel.
India U-23 men’s team head coach thar Miranda
