Daily Newspaper

India women’s hockey team tlawm leh tawh!

10

Tokyo Olympics-a Mizo awmchhun Lalrem-siami telna India wo-men’s hockey team chuan Japan rama an chetchhiat chhunzawm zelin, nimin khan tourna-ment kal laia an match chheber an tawngbaw leh a, Great Britain chuan 4-1-in an sawp.

India women’s hoc-key team coach Sjoerd Marijne chuan mimal tinin an khel tha lo tih a sawi a, Olympic kal laia an khelhchhiatber tum a nih thu a tarlang tel.

Pool A-a vawithum an tlawm zawn tak avangin group stage khelh hnih chiah nei tawh India nulate tan quarter-final luhna ‘chance’ a hniam ta hle a, Zirtawpni hian Ireland an su leh ang.
Captain Rani Rampal leh a naute hian Britain lakah vawi duai lo an hun tha neih an bawhpelh a, Dutch coach Marijne chuan a naute khelh dana a lawmloh thu a sawichhuak.

India hi an bultanna inkhelah world No. 1 Netherlands chuan 5-1 ngawtin an lo sawp tawh a, Germany lakah insiamtha zo loin sihnih saiin an tlawm leh a, Nilainiah Oi Hockey stadium luh lehin, Britain nulate an insawptir leh ngheng!

Him thei turin Britain game-ah khan a lo berah India nulate khan point khat tal hmuh an mamawh a, chu em pawh an puitlin zawh tak loh avangin knock-out stage lut thei tur chuan an hmabak pahnih la neihah Ireland leh South Africa an hneh ve ve a ngai tawh.

Nimin Pool A dangah Netherlands chuan 5-0-in South Africa an sawp a; Spain chuan an chak vawikhatna temin New Zealand lakah 2-1 hnehna an chang a, Germany pawhin Ireland lakah an la khawng mah mah tih lantirin 4-2 hnehna an lawm ve leh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy