Daily Newspaper

Indian economy-in a sawntet nasat ber tawng mek

9

Indian economy chuan kum tam tak chhunga a sawn tet ber tawngin Gross Domestic Product (GDP) chu April leh June chhung khan 23.9% in kum hmasa nena khaikhinin a sawngte niin National Statistics Office in data an tihchhuahah tarlan a ni.

Economy nasa taka a tlakhniamna chhan hi Covid-19 lockdown vang leh nghawng niin economic activity tinte a titawp deuh vek a, he mi hma pawh hian Indian economy chu a tlahniam tawh sa hrim hrim bawk. Economist-te chuan economy sawngtea hian kumin GDP a nghawng nasa dawn tia sawiin independent India hnua Indian economy tlakhniam ber a thlen thei an ti bawk.

“Indian economy chu vicious cycle thuk takah, demand nasa taka sawng te in, chu mi siamthatna tura tax revenue lakkhawm a tlem leh bawk si a ni. Hei vang hian GDP hi tun atanga quarter ruk chhung emaw nakum second quarter thleng chuan a pangngaiin a awm hman ka ring lo” tiin D. K. Srivastava, chief economist, Ernst and Young, leh Member of the Advisory Council to the 15th Finance Commission chuan a sawi.

Kum 2021-21 ah GDP sawngte chu 5%-7% a nih a rin thu sawiin economy sawn tet nasat hnuhnun ber chu 1979-80 khan niin khatih lai khan GDP chu 5.2% in a tlahiam a ti a. India-in tum li lai 1956-68 leh 1972-73 inkarah economy tlakhniam vak tawng tawhin, mahse kumin hi Indepedence India a nih hnua economy chhiat ber kum a nih hmel thu Dr. Srivastava chuan a sawi bawk.

Agriculture chauh chu tlema hmasawn awm chhun sector niin 3.4% in hma a sawn thung a. Sector dang tin te chu nasa taka tlahiamin construction chu 50% in, trade, hotel, transport leh communication chu 47% in a tlahniam a. Manufacturing pawh 39% a tlahniamin mining leh quarrying pawh 23% in a tlahniam bawk.
Expenditure lamah private consumption chu 26.7% in a tlahniam a, investment pawh gross fixed capital formation a lnadanin 47% in a tlahniam a, thawnchhuah pawh 20% laiin a tlahniam bawk a. Sorkar in consumption expenditure a neih chu 16.4% a ni thung.

“Economy tana phurrit ber chu a tawmtetna hi private final consumption-ah a ni a, GDP ah 60% lai hauh a ni a. 60% demand chu a chhe zawnga a thang a nih chuan hmabak a ko hle a, hei hi siam danglam a nih loh chuan engmah a thleng dawn lo” tiin Dr. Srivastava chuan a sawi bawk a, hei ai hian a tak takah chuan a chhiat zawk theih thu sawiin a chhan chu economy hmun lia thena hmun thum chu informal sector niin GDP data in a huam loh a tam vang tiin a sawi bawk.

“Investment hmathlir a chhe hle a, a tlahiam zel thei bawk. Consumption indicator chuan hmalam a pan a, mahse a tha chuang lo” tiin D.K. Pant, India Ratings Chief Economists, Fitch group penga mi chuan a sawi a. Kum khat chhunga quarterly-te chu negative territory ah an awm vek thu sawiin, “Sorkar hian tun dinhmunah supply lam chauh a thlurbing a, demand lam tisang tura sum an seng duh lo a nih chuan nakum pawh dinhmun a chhe khawp ang” tiin a sawi.

Economist Pronab Sen chuan sorkar chuan sum sen tam a kalpui a ngaih thu sawiin, “Mipuite an saving lachhuaka sum hmang tura beisei ringawt a sawt lo. Mirethei leh middle class te chuan an sum khawl pawh an hmang vek hial tawh mai thei. Sorkar hian market emaw RBI hnen atangin sum a puk thei a, an puk hreh em em mai hi ka hrethiam lo. Sorkar hian an fiscal deficit number lanthat tir duhin economy a chhiat an remti emaw ni le?” tiin zawhna a siam bawk a. GDP atanga chhuta economy sawngte chu 10%-12% vel ni tura a ngaih thu a sawi a, mahse kumin quarter hnuhnung berah chuan hmasawnna chhete chu a awm a beisei thu a sawi thung.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy