Daily Newspaper

Indian economy-in double-digit growth hnaih thuak

39

Indian economy chuan kuminah double-digit growth a hnaih thuak tia sawiin khawvela economy thang duang ber zinga mi tiin Finance Minister Nirmala Sitharaman chuan a sawi.

Finance Minister Sitharaman chuan kumthara economic growth chu 7.5-8.5% a beisei thu a sawi bawk a, kum sawm chhung chu a thang zawnga a kal a beisei thu a sawi bawk.

“India growth chungchangah kumin hian double-digit kan hnaih thuak a, khawvelah a sang ber a ni ang. Kumtharah pawh kumin behchhanin economic growth chu 8% velah a awm ang,” tiin Sitharaman chuan Boston khawpuia Harvard Kennedy School-a sawihona neihah a sawi.

Ministry of Finance chuan assessment a hranin economy growth chungchangah an la nei lo chungin World Bank, IMF leh rating agency te chuan sang takah an dah vek tiin a sawi bawk.

“Kumthar pawh 8 atanga 9 percentage velah a awm turah kan ngai bawk a. Industry nasa taka a pun avangin kum sawm chhung chu hmasawn zawngin kan kal ang a. Kum sawm chhungin Indian growth a hniamna chhan tur ka hmu lo,” tiin a sawi bawk.

Harvard University professor Lawrence Summers nena inkawmna an neih hi Mossavar-Rahmani Centre for Business and Government huaihawt niin khawvel economy chungchang zawhnaah Sitharaman chuan, “Khawvel pum economy picture khat chauh neih theih a ni lo. Market economy thang mek te hi insiamtha chak leh thang chak ber ber turah ka ngai a, growth engine ah an tangin ka ring. Global economy tichaktu tur te an ni,” tiin a sawi.

“Nimina data tihchhuah leh kar kaltaa tihchhuah atang chuan kuminah India growth chu a sang ber turah ka ngai a. Khawvela economy thang chak ber a ni ang,” tiin a sawi bawk.

“Developed economy te pawh an thang tha dawn a, a chhan chu an base a san sa em vang a ni. Mahse, double digit an hnaih dawn lo chungin global growth an tipung dawn a ni,” tiin a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy