Indian National Congress leh Aam Aadmi Party te Lok Sabha inthlanah thawkho dawn ti

Aam Aadmi Party leh Congress te chuan Delhi, Gujarat, Goa, Chandigarh leh Haryana-ah te Lok Sabha inthlanah seat insem an remti tia sawi a ni a. Nikum a BJP paihthla tura din INDIA block talbuai zui nasa chuan rem a rap tan dawn tia sawi theih a ni.
Delhi-ah chuan rorel lai AAP te chuan seat li an chang ang a, Congress te chuan seat thum an chung thung dawn tia sawi a ni a.
Gujarat bikah chuan AAP ten seat hnih a chang ang a, heng seat a ding tur te hi AAP te chuan a hma daihin an lo puang lawk tawh a ni.
Lok Sabha inthlan hnuhnung berah khan Gujarat ah AAP ten candidate an nei lo va, mahse, tunah chuan nasa taka hmasawnin kum 2022 Surat civic poll ah khan che tha hle in Assembly election ah pawh seat nga an la zui a ni.
Congress erawh che tha lovin kum 2017 atanga 2022 chhungin Assembly seat 60 a hloh tawh a, kum 2009 atangin Lok Sabha seat chan a nei lo bawk. BJ te chuan kum 2014 leh 2019 khan seat an la vek a ni.
Chandigarh bikah chuan Congresss te chuan Lok Sabha seat awm chhun chu an chang dawn tih a ni a. he seat hi BJP Kirron Kher an kum 2014 leh 2019 ah a chang tawh a, mahse, he mi hma a zawnin tum thum Congress mi Pawan Kumar Bansal chuan a chang thung.
Haryana-ah chuan AAP ten seat khat an chang ang a. Gujarat ang deuhin Harayana pawh BJP te chakna niin inthlan hnuhnung berah khan state a seat awm 10 an hui vek a, vote 60% dawn an hmu bawk. Assembly inthlan hnuhnung ber kum 2019 ah khan BJP ten seat 90 awmah 40 an la a, Congress ten 31 an la thung.
AAP te chuan a hma in South Goa aangin Venzy Viegas a ding ang tiin an lo puang tawh a, mahse, chu chu siam tha in Congress hnenah seat an pe zawk dawn ta a ni. North Goa seat ah tu nge chang zawk dawn erawh hriat a la ni lo.
Punjab bikah chuan AAP ten seat awm zaqwng zawng 13 chuh vek an tum a, Punjab-ah chuan thawhhona aawm dawn lo a ni. Lok Sabha inthlan hnuhnung berah Congress ten seat riat an la a, AAP ten pakhat chauh an la thung. Mahse, thil inthlak danglam vek tawhin kum 2022 Assembly election ah AAP te chuan seat 117 ah 92 lawih an la thung.
Uttar Pradesh ah chuan Samajwadi leh Congress te thawkho dawnin seat 80 awmah Congress ten seat 17 an chang dawn a ni. UP a thawhhona siam theih hian INDIA bloc dinhmun a titha hle tura ngaih a ni bawk a. Inremna a awm theih nan Priyanka Gandhi Vadra chuan SP boss Akhilesh Yadav chu hmu in chuvanga inremna awm thei tia sawi a ni.