Daily Newspaper

Indian wrestler thenkhatin hri kai

9

World championship silver-medallist Deepak Punia telin India mipa senior wrestler pathumin covid-19 an kai tih karliamta daih tawh khan Sports Authority of India (SAI) chuan an puang.

Olympic lama inlan tur Punia (86kg) baka hri kai ve dang wrestler pahnihte chu Navin (65kg) leh Krishan (125kg)-te an ni a, an pathum hian Sonepat khaw SAI Centre-a national camp lut lai niin, he hmuna quarantine an nih laiin virus an kai tih hmuhchhuah a ni a, SAI nena inzawm damdawi inah fimkhur thu hla avang leh an dinhmun enzui turin hruai an ni.

World silver awrh tawh Punia hian nakum lama buatsaih tur Tokyo Olympics wrestling inelna hmachhawn turin a dinhmun a sawhnghet tawh a, Japan ram Olympic atana inbuatsaihna an kalpui laiin test-ah a positive a, amah chuan ‘asymptomatic’ a nih thu a sawi.

National camp-a lut wrestler zawng zawng hi Sonepat an thlenkhawm hnuah RT-PCR test hmanga endik vek an ni a, hri vei pathum hmuhchhuah ni mah se Wrestling Federation of India (WFI) Assistant Secretary Vinod Tomar chuan ruahman lawk anga camp chu kalpui tur a nih thu a sawi.

Wrestler-te hi September ni 1 khan camp lut tur hian an chhuakkhawm a, hripui karah inbuatsaihna an kalpui chhunzawm mek a ni.

A hmain Asian and Commonwealth Games champion Vinesh Phogat pawh national sports awards ceremony an huaihawt hm^ lawkin hri a vei tih hmuhchhuah a ni a, Indian woman wrestler zinga Tokyo Olympics khel tura tling awmchhun Phogat hian tunhnaiah infiammite chawimawina sang Khel Ratna a dawng nghe nghe.

53kg category huanga khel mek Vinesh hi an enfiah hnuhnungberah chuan a ‘negative’ tawh a, mahse, fimkhur thilthuah a la inkhunghrang zui a ni.

(THE AIZAWL POST – Infiamna)
The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy