Indo-Myanmar ramri hungna tur rel
Border Coordination Committee Saitual District chu an chairman, bawrhsap Dr Lalngura Tlau kaihhruaiin Nilaini khan an thukhawm.
Chairman chuan state Home department atanga ngen angin Indo-Myanmar border-a luh leh chhuahna (entry/exit), hungna (fencing) leh hnathawh ngai hrang hrang endik a, a tul anga hma la turin Border Coordination Committee hi din a ni tih a sawi.
SDO (C) Ngopa kaihhruaiin Border Coordination Sub- Committee din a ni a, Assam Rifles leh Border Roads Organisation (BRO) nen tanghoin hma an la dawn tih a sawi a. Ramri hung leh ramri kana luh leh chhuah chungchang mipui hnena puanzar leh hrilhhriat kawngah theihtawp chhuah turin a chah.
Indo-Myanmar border-a entry/exit point siamna atana hmun 13 thlan zingah Hrianghmun -Tuisa lui, Saitual district chu thlan a ni tih Saitual bawrhsap hian a sawi a. Border Coordination Sub-Committee hian Hrianghmun -Tuisa lui chu joint survery neiin, a hungna tur hmun, entry/ exit point siamna tur, check post siamna tur ram an endik anga, joint survey report hi Border Coordination Committee-ah thehlutin, Committee hian Home department-ah an thehlut leh dawn tih a sawi a ni.
Indo-Myanmar ramri hungna tur rel
