Daily Newspaper

Indonesia Open quarter lut Sindhu & Praneeth

16

Ningani khan top Indian shuttler pahnih PV Sindhu leh B. Sai Praneeth-te’n badminton inelna lian Indonesia Open Super 1000 tournament khelh mekah quarter-final an lut a, he tournament-a champion tawh dang Kidambi Srikanth erawh second round paltlang zo loin a tla thung.

Two-time Olympic medallist Sindhu hian thlantui far mang loin second-round match-a a tumpui world No. 26 Yvonne Li lakah minute 37 chhungin 21-12, 21-18 hnehna a chang a, Germany player a paltlang hnuah reigning world champion leh seeded third ni bawk Sindhu hian women’s singles quarter-final pakhatah South Korea player Sim Yujin a hmachhawn leh ang.

US dollar 850,000 semralna tournament kal laiah hian India mipa player Praneeth chuan darkar khat leh minute 23 chhung rim taka thawkin France world No. 70 Christo Popov lakah 21-17, 14-21 21-19 hnehna a sualchhuak a, world No. 16 Indian hian a chipui Srikanth hnawtchhuaktu Olympic champion leh world number one hlui ni bawk Viktor Axelsen of Denmark a tum zui leh ang.

Second seeded Axelsen hi world champion ni lai niin, Indian star player Srikanth lakah hian minute 37 lek chhungin 21-14, 21-18 hnehna nuamsa pangngai a chang hman a, Praneeth hian a chipui phub a laksak thei em tarlan hman a ni lo.

Mipa double lamah sixth seeded Indian pair Satwiksairaj Rankireddy leh Chirag Shetty pawh chakin, Korea player pahnih tangdun Kang Minhyuk leh Seo Seungjae laka 21-15, 19-21, 23-21 hnehna nen last eight an lut ve bawk.

Indian pair hi world ranking-ah 11-na niin, Malaysian pair Goh Sze Fei leh Nur Izzuddin lakah an theihna an fiah leh ang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy