Industry-in man tlawm zawka
power an chawi dan tur sawi
Tualchhunga industry tenau neituten kawlphetha an chawi sang lutuk tih ziaawm dan ngaihtuahin Thawhlehni khan Power leh Industries minister F Rodingliana hoin Power & Electricity leh Commerce & Industries department hotute bakah Mizoram Industries Owner Association (MIOA) hruaitute an thukhawm.
Thutkhawmah hian tualchhung industry-te power hman man sang lutuk avanga harsatna an tawhte sawi niin, hlawk leh tha zawka industry an kalpui theihnan electric bill sang lutuk tihniam tura ngaihnatthiamna awm theite sawiho a ni.
Industrial unit-a electric connection pek thinte awlsam zawk leh man tlawm zawka connection pek dan tur rel niin, transformer bun leh material supply kawngah a theih chinah industry neitute kuta dah rel a ni. Time of Day (TOD) rate ennawn turin a theih anga hma lak leh fixed charge bill chungchang sawi a ni bawk a; consumer(industrial unit) contracted load la update lo te pawh an bialtu office-ah a ranglama in update tura tih an ni.
Minister chuan industry-te chawikanna atan leh tha zawka kalpui anih theihnan hma lak zel a ni tih a sawi a. Thutkhawma thurelte a ranglama bawhzui turin official-te a chah nghal a ni.
Industry-in man tlawm zawka power an chawi dan tur sawi
