Infantino a tling nawn leh
Khawvela football thuneitu sang ber International Federation of Association Football (FIFA) chuan Kigali, Rwanda-ah 73rd Fifa congress an hmang a. President ni lai Gianni Infantino chu term khat dang president ni turin thlan nawn leh a ni.
Kum 52 mi Infantino hian kum 2016 khan Sepp Blatter thlakin Fifa president a ni tan a. Blatter thlaka Fifa president a ni kha buaina vang a nih vangin term puitling anga chhiar a ni lo thung. Kum 2019 khan chuhtu awm lovin thlan tlin a ni a. Kum 2023-ah pawh chuhtu awm lovin thlan nawn leh a ni a, a term hnihna president niin, a term hi 2027 ah a tawp ang a. 2017 election-ah thlan theih a ni leh dawn bawk.
Fifa president ni tura thlan nawn leh Infantino hian amah ngainatu tam tak an awm laiin amah ei lotu tam tak an awm tih a hriat thu a sawi a. Football hmakhaw ngai theuh theuh an nih vangin amah ngaina lotute nen lam a hmangaih vek thu a sawi a. Football hmasawn nan tha taka thawk ho turin a sawm nghal bawk.
Infantino president na hnuaiah hian kum hnih danah FIFA World Cup khel turin rauhmanna siam a ni. Kum hnih dana World Cup khelh tumna awm hian sawisel a hlawh hle a, football player inzawm khawm pawl lian pahnih Fifpro leh Professional Footballers’ Association ten langsar taka an dodal vangin tihpuitlin a la ni lo. Qater in World Cup a thleng nawlh a, a vawi khat nan thlasika World Cup khelh a ni ta hial chuan inhnialna tam tak a lo chawkchhuak tawh bawk.
Kum 2026 World Cup atangin ram 48 an inel tawh dawn a. Ram 48 te hi group 16-ah team thum zela then tumin FIFA hian ruahmanna a siam hman a. Hei hian inhnialna a chawhchhuah tam vangin goup 12-ah team li zel awm turin thu tihtluk a ni leh ta zawk. Hei pawh hi Infantino hnuaiah ruahmanna hlawhtling zo lo zingah a tel a,
Infantino a tling nawn leh
