Daily Newspaper

Infiamna hmunhma dik lo tuar mek

6

Assembly Session neih mekah infiamna hmunhma dik lo a awm thu leh Mizoramin chu chu a tuar tih te sawichhuah a ni a, infiamna hmunhma chungchangah thuneitu bik awm a \ul thu pawh an sawi.

Nilaini khan sports minister Robert Romawia Royte-in Mizoram State Sports Council (Amendment) Bill a pulut a, he bill sawinaah hian hmunhma dik lo chungchang hi sawichhuah a ni.

He bill-a a lan danin, Mizoram State Sports Council chu Mizorama infiamna hmunhma din leh sak reng rengah, a design leh technical lamah thuneitu a ni ang tih a ni a, heti lama thuneitu bik an awm a ngaih thu an sawina lamah, tuna Mizoramin hmunhma a neihah dik lo taka siam a awm thu te an sawi.

House leader Zoramthanga pawhin hemi chungchang hi a sawi a, infiamna hmunhma (sports infrastructure) chu \ha taka siam a ngaih thu sawiin, “Khawvel han khing pha turin, rualpawl tur chuan, mi neih ang a nih a ngai,” a ti.

Mizoramah hmunhma siam dik loh a awm thu a sawi a, metre 100 intlansiakna tura siam, metre 100 tling si lo te a awm thu sawiin Zorama chuan, tlan \anna tur siam dik loh a awm thu te a sawi.

“Kan la buai ang tih a ni lo. Tunah kan buai tawh a ni,” a ti a, “Kan buai tawh avanga hei hi siam zawk kan ni e,” tiin he bill siam chhan hi a sawi. “Tuna kan tihsualte hi a funding authority, a crore tel kan zuk dilnaah khan zu sawi ta ila, a zahthlak dawn riau a,” a ti bawk.

Sports infrastructure siam thu-ah a technical thil leh a design lamah a thiamte ngeiin an siam a ngai tih a sawi a, “International standard-a kan tih a ngai,” a ti bawk.

Sports minister Robert Romawia Royte pawhin siam dik loh a awm thu hi a sawi a, Lena Studium-ah pawh intlansiakna tur metre 43 vela tling lo te a awm nia sawiin, stadium siam hian \ha taka inkaihhruai a ngai tih a sawi.

India ramah chuan SAI hi infrastructure leh technical thilah thuneitu an ni tih sawiin, chutianga tih tumna chu a nih thu a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy