Daily Newspaper

Inkharkhip mek Melriat-in Covid-19 vangin damdawi sem

33

Covid-19 hrileng laka inven nana inkharkhip mek Melriat-ah chuan he natna laka inven nan hian an Local Level Task Force (LLTF) te’n Thawhlehni khan chhung tin hnenah damdawi an sem.

Melriat-ah hian Covid-19 natna vei hriatchhuah tawh an awm nual a; Thawhlehni tuka result chhuakah mi 14 an positive a, a hmain pathum an lo positive tawh bawk. Positive hriatchhuah hmasak ber chu a dam \ha tawh a, positive enkawl lai mi 16 an awm mek.

Covid-19 natna vei mi heti zat hriatchhuah an han nih hian, mipuiah a lo darh viau hman ang tih a hlauhawm avangin damdawi an sem ta a ni tih Melriat LLTF hruaitute chuan The Aizawl Post an hrilh.

Chhung tin hnenah limbu pum hnih zel an sem a, vitamin C pawh mi pakhatin ni nga chhunga ni khata pakhat zel a ei turin an sem a, damdawi dang pakhat chu puitling ei tur niin, ni nga daih tur an sem a ni.

LLTF hruaitute chuan damdawi hi doctor-te rawna sem an nih thu an sawi a, an bialtu MLA Prof F Lalnunmawia’n senso a tum dawn tih an sawi bawk.

Melriat hi in 270 vel an ni a, mi 17 an positive takah hian, mipuiah a lo darh hman ang tih an hlau a, doctor leh thuneitute rawnin damdawi hi an sem ta a ni. Sample 36 vel lak a ni tawh a, Thawhlehni zan khan Covid-19 ‘symptom’ nei pakhat chu ZMC-ah dahluh a ni a, ani pawh hi enfiah tura ngaih a ni. Positive hriatchhuah tawhah hian naupang panga vel an tel.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy