Daily Newspaper

Inneih hmaa sawi dun tur te

30

Nupaa insiam hi thil namai lo tak a ni a, inneih hmaa kan sawi fel loh, inneih hnua kan buai phahna tam tak a awm niin relationship lama mithiam ten an sawi. Chuvangin, nupui/pasal i neih hmaa inpahniha insawi dun tura pawimawh ni a sawi te chu kan rawn tarlang e.

1. Chhungkaw din dan tur hi sawi fel lawk a pawimawh khawp mai. Inneih hmaa fa neih dan tur te, fa kan duh zat te, neih kan duh hun te sawi fel hmasak a tul thin. Hmeichhe thenkhatin pasal neih ve leha nau pai nghal ngawt te an duh lo thei a, chutih laiin mipain fa neih thuai a lo duh ve thung a ni thei. Fa eng zat nge kan duh tihah pawh thu tlukna fel tak lo neih lawk a tha hle a, inneih hnua nupa intihthiam loh phahna thlen thei a ni.

2. Sum chungchangah pawh inbiak fel sa a tha. Hlawh nei ve ve inkarah pawisa inkawl tawm tur nge mahni a hranga kawl tur tih te, chhungte hnena pawisa pek leh pek loh chungchang te pawh sawi fel sa vek a tha.

3. Inneih hnuah engtia awm zui tur nge, chhungte bula khawsak zel tur nge in dan tur tih te pawh sawi fel sa a tha. Hna avanga khaw hranga awm te pawhin engtia tih tur nge tih sawi fel hmasak a tha.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy