Daily Newspaper

Insawifiah turin Duhoma hriattir

11

Dan bawhchhiaa puh Lalduhoma, Serchhip bialtu MLA chu Assembly secretariat lamin September ni 24 khan insawifiah turin an ti a, ziakin an hriattir.

MNF MLA 12 te’n Duhoma hi India constitution Tenth Schedule bawhchhiaah puhin bantir turin speaker an ngen a, dan bawhchhiaa puh a nihna chu sawifiah tura tih a ni ta a ni. October ni 8 thleng hun pek a ni.

September ni 22 khan MLA 10 te’n speaker hnenah Duhoma chungchang hi an thlen a, September ni 24 khan MLA dang pahnihin an thlen ve leh a ni. Anni hi hmun danga zin bo, Nilaini-a Aizawla kir nia hriat an ni.

Assembly commissioner & secretary H Lalrinawma chuan dan awm sa a awm thu leh dan anga kal a nih thu a sawi a, dan bawhchhiaa puh an awm chuan insawifiahna hun pek tur a nih thu sawiin, insawifiah tura tihna chu dak hmangin an thawn tih te The Aizawl Post a hrilh.

Lalduhoma hi puh a nihnate hriattirin insawifiah tura tih a ni a, a chhanna chu speaker-in a lo en ang a, a bawhzui dan tur pawh a kutah a awm ang tih thu dawn a ni.

Speaker hi thu titlutu tur a ni a, a tul a tih chuan rawn ngai a tihte a rawn theih bakah, committee-a enho te pawh tul a ti a nih chuan a rawt thei tih thu dawn a ni bawk.

MLA-te bantir tura ngenna a awm hian member-te an inhriattir thin tur a ni a, session-ah puan thin tur a ni. Tun tum thilah hian session neih lai a nih loh avangin Assembly secretariat lamin bulletin siamin Ningani khan member-te an hriattir a ni.

Mizoram chanchinah MLA bantir tura speaker ngen hi tum hnih a awm tawh a, 1994 leh 2003 khan chutiang chu Mizoramin a lo tawng tawh. Mahse hengah hian MLA-te hi bantir an ni lo ve ve.

1994-a mite hi MNF MLA pangate chungchang a ni a, 2003-a mi hi MPC MLA chungchang a ni. Hengah hian bantir tura ngentute hi opposition party ve ve an ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy