Daily Newspaper

Insuihkhawmna atan kawngpui pawimawhna sawipui

10

Hmar Student’s Association (HSA) Joint Headquarters Aizawl chuan Thawhtanni khan Mizoram chief minister Zoramthanga hmu in Zohnahthlakte insuihkhawmna atana pawimawh tak, inkalpawhna kawng tihchangtlun dan tur an sawipui.

HSA hruaitute hian National Highway 02 (tunhmaa 150 tih thin) Tuivai lei, kum 20 chuang dawh tawh loh, sanctioned awm vek tawh si chu a hlawhtlin thuai theih nan hma la turin chief minister hi an ngen a. He lei dawhna tur hian tender vawi thum chhuah a ni tawh a, a chhangtu contractor hian estimate aia sanga an chhan avangin sawrkar laipui chuan insawifiahna pe turin state sawrkar a rawn ti a. Department lam pawhin clarification a pe tawh a, Ministry of Road Transport & Highways lamin a pawmpui a nih chuan hna hi thawh tan nghal theih a ni dawn tih a lo hrilh.

Clarification hi an pawm ngei theih nan hma a lak tur thu leh N.Vervek – Tuivai Road component km.10 a thui, Nidhi Company-in a khawih mek pawh tichak turin a hrilh tur thu HSA hruaitute hi a lo hrilh a; huntiam chhunga lei hi dawh hman a nih loh chuan ferry system ruahman mai a tul thei bawk tih a sawi.
Chief minister chuan NH 306(A) N. Vervek – Vairengte via Mauchar chu proposal siam vek tawh a nih thu leh a hlawtlin theih nan theihtawp a chhuah mek thu HSA hruaitute hi a hrilh a. National Highway siamna tur a puitlin hma in tuna kawng awmsa chu tihchangtlun tum a ni tih a sawi.

‘Hnam Project’ atan PMGSY leh National Highway kawngten a la tlawhpawh loh, Zokhawthiang leh Tinghmun inkalpawhna kawng chu helai bialtu MLA, minister ni bawk Pu Lalchhandama Ralte nen an buaipui mek tih Zoramthanga hian a sawi a. HSA-in Sinlung Hills mipuite tan Aizawl khawchhungah Hmar House sak a nih theihnan hma laksak tura an ngenna pawh CM chuan ruahmanna siam a nih tur thu a hrilh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy