Inter Branch Table Tennis Tournament hmawr bawk ni
May 26-29, 2026 awh tur LBS Suzuki 6th Inter Branch Table Tennis Tournament khelh mek chu vawiin hian a hmawrbawk a ni tawh dawn a; a tawp ni hian chawhma dar 10 atangin men’s leh women’s singles leh team semi-final khelh tan a ni ang.
Men’s singles semi-final pakhat zawkah national-a men’s singles No. 9 ni lai Jeho Himnakulhpuingheta (Chawngte P branch) leh tunhnaia tum hnih lai Mizorama men’s singles champion lo ni ve tawh Lalruatfela (Diakkawn branch)-te an intum dawn a; a lehlamah Mizoram champion lo ni fo tawh leh Inter Branch YMA Table Tennis Tournament hnuhnung bera silver medalist Alberto LR Ruata (Mission Veng branch) leh phailam table tennis academy-a awm mek H. Lalruatsanga (Mission Vengthlang branch)-te an inhmachhawn ve thung ang.
Hmeichhe singles lamah Mizoram women’s singles champion lai Caroline Malsawmkimi (Lungdai branch) leh SAI, Bolpur Table Tennis Academy-a awm mek Lalrinpuii (Vaivakawn branch)-te an insu dawn a; a lehlamah UTT Mizoram Table Tennis Academy-a awm mek Hmingsangmawii (Mission Vengthlang) versus SAI, Bolpur TT Academy-a awm mek Lalmuanzeli (Vaivakawn)-te’n final luh an inchuh ve thung dawn a ni.
Men’s team hi he chanchin buatsaih lai hian semi-final lut a la hriat loh.
Team championship khelh zawh tlai dar 4-ah closing function neih a ni dawn a, hemi zawhah hian men’s singles leh women’s singles frinal khelh nghal a ni ang.
Inter Branch Table Tennis Tournament hmawr bawk ni
