Daily Newspaper

Inter in Brescia an sawp

14

Serie A club lian Inter Milan chuan champion beisei ngam tawh lo mahse pahnihna tal nih an tum zui zel a. Nilai zan khan an mikhual Brescia chu si ruk fai ngawtin an lo sawp a, Brescia lakah hian Manchester United player hlui pahnih Sanchez leh Young ten goal an thun.
San Siro-a inkhelah hian Inter Milan hian bul an \an \ha hle. Minute 5-na lekah United defender hlui Ashley Young huan hmahruaina goal a thun nghal pang. Young goal thun hnu hian minute 20-naah penalty an hlawhchhuak zui leh a, he penalty hi loan-a Inter zawm mektu Alexis Sanchez chuan pet goal in an goal hnihna a thun. Chawlhlawk dawn hnaih minute 45-naah Danilo D’Ambrosio chuan an goal thumna a tauh goal zui leh a, si thum fai ngawta hmahruai chungin chawlhlawk an hmang.
Inkhel bul \an \ha Inter hian second half-ah pawh bul an \an \ha leh pek hle. Second halfa \an a\anga minute 7-na lekah Roberto Gagliardini chuan an goal lina a thun zui leh nghal zat. Goal a han deuh vang vang hnuin Tottenham player hlui Christian Eriksen chuan minute 83-naah an goal ngana a thun a, minute 88-naah Antonio Candreva chuan an goalrukna thun zui leh in, a tawp a khar a, an mualah si ruk fai ngawtin hnehna an chang.
Inter Milan hi champion lai Juventus aiin point 8 in an hniam zawk mek a, an tan champion beisei ngam a ni tawh mang lo. Pahnihna Lazio nen an inkarah point li a tla zep mek bawk. Khelh 29 a\anga point 64 hmuin pathumna an luah mek a, champions league khelh phak an hnaih deuh deuh zel. Inter Milan in an sawp Brescia table mawngphahah an tla thla ve thung a, an dinhmun a chhe sawt hle.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy