Sikhat faia Napoli hnehin Inter Milan chuan Arab ramah Italian Super Cup trophy an sualchhuak.
Thawhtanni khan Saudi Arabia khawpui Riyadh khel-mual Al-Awwal Park-ah Serie A team pahnih intumin, Inter captain Lautaro Martinez chuan last minute-ah San Siro club chakna goal awmchhun khungin, Inter kutah a zawnin Italian Super Cup title tum thum a lut tling ta a ni.
He hnehna avang hian Inter chuan Supercoppa title pariat an hawn tling chiah a, vawikaw champion chunga he title la hnember Juventus an la pha lo.
Tun hi team pali inelna tura Super Cup khelh dan phung an duanthar hnua final hmasaber niin, Italian league leh cup-a champion team leh pahnihna team ve vete intumna tournament niin, Italian football huang zauhna leh chawisanna atan Spaniard-ho ang bawkin Arab ram lamah tournament an zu nghat a ni.
Thawhtanni final-ah darkar khat an khel tling tihin Francesco Acerbi laka ‘foul’ Napoli player Giovanni Sime-one chu yellow card vawihnih hmh vangin hnawhchhuah a ni a; a tam zawk Inter lamin inkhel thunun zawk mah se goal an khung thei bik lo a; hun pekbelh tawp dawnah Benjamin Pavard-a great solo run kan hmu a, dinglam sir atanga cross ball pui tak a pekchhuah hmangin Argen-tine striker Martinez chuan chakna goal awmchhun a khung hram a ni.
Hnehna an chan leh hnuah Inter manager Simone Inzaghi chuan chak zo lo mah se game ropui tak an khelh theih avangin Napoli an lawmpui tih a sawi zet a, ni thum liamtaa semi-final an khelh hnuah final match khel zui lehin, a naute’n sang tak an thlir tlat rah an seng tih a sawi.
Champion-na goal khungtu Martinez chuan season kal lai inelna hrang hranga game 27 a khelh tawh atangin goal 21 a tilut tling tawh.
Inter kutah Italian Super Cup
