Lautaro Martinez-a goal hnih thun hmangin Champions League finalists Inter Milan chuan Nilaini zanah 2-1-in Fiorentina an hneh a, Italian Coppa Italia title an hlawhchhuak.
Stadio Olimpico final match-ah hian Fiorentina lamin goal thun hmasain, tan atanga minute thumna lekah Nico Gonzales chuan goal hmahruai khungin, minute 29-ah Martinez chuan chep zet atangin Inter siphurh a sut a, minute 37-ah Argentine striker hian Internazionale champion-na goal ni zui ta a thawh zui leh.
Lautaro Martinez hian Inter tana a game khelh hnuhnung paliah goal li a thun tling chiah a ni.
June ni 7 mai khian Fiorentina chuan Europa Conference League final-ah West Ham United an tum dawn a; June ni 10 Champions League final-ahInter hian Manchester City an hmachhawn ve thung ang.
Inter Milan kutah Coppa Italia title
![](https://theaizawlpost.org/wp-content/uploads/tap_logo-min-large.jpg)