Daily Newspaper

Internet kaltlanga pawikhawihna a pung

18

Hrileng kaihhnawiha pawn chhuah theih loh leh thildang tih hleih theih lohin sawrkar inkaihhruaina zawmin inchhung lamah mi tam zawk kan inkhung tam a, hetih laia mi tam zawk inawm tleina – internet chu pawikhawih chingte hmanraw hman lar lehzual a ni chho mek.

Mizoram Police chuan Covid-19 hrileng avang leh inkharkhip puan a nih avangin internet kaltlanga pawikhawihna a hluar thu leh, he hrileng hian kan nunphung a tihdanglam dawrh avangin, mi tam takin kan mamawh lakkhawmnan leh inawmtleinan social media hrang hrang kan hman nasat avangin, internet kaltlanga mi bum ching leh rawk chingte chetna a tihpun bakah rukruk ching leh misualte chet dan a thlak nasa hle nia an hriat thu an sawi.

Cyber Crime Police Station Aizawl chhinchhiah danin, kumin January atanga June inkar khan internet kaltlanga pawikhawihna avangin first information report (FIR) 267 dawn a ni a; kum 2020 chhunga FIR 163 lut nena khaikhinin zaa 60-in a pung. FIR thehluh zinga zaa 71 chu internet kaltlanga sum leh paia inbumna kaihhnawih a ni a, zaa 17 chu internet kaltlanga hmeichhiat mipatna hawi zawnga inbumna leh thlemna niin, a bak zaa 12 chu mimal nihna inruksak, facebook kaltlanga hmeichhiat mipatna hmanpuia insawm hnua intihmualpho tuma invauna leh copyright dan bawhchhiatna te a ni.

‘Mipuite he sualna pung zel lakah hian fimkhur zual turin kan inngen a. Kan mimal information – kan pian ni leh thla, internet banking password leh One Time Password kan dawnte tumah hrilh loh tur a ni a. Phone application install tur leh link tha lote thawnin heng misual hian mi an bum thin bawk. Kan hriat loh application leh link click loh tur a ni a, internet hmangtute fimkhur zual turin kan inngen a ni,’ Mizoram Police thuchhuak chuan a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy