Daily Newspaper

Inthlan buaipui tura ruat pakhat a Positive

17

Training-a a telpuite enfiah mek

Aizawl, August 25 :  Village Council inthlan lo awm tura inthlan buaipui tura ruat pakhat chu Covid-19 natna a lo vei tih hriatchhuah a ni a, an district-a training-a a telpuite enfiah mek an ni.

August ni 21, kar hmasa Zirtawpni khan Kolasib District-a Village Council (VC) inthlan buaipui tura ruatte chu Parish Hall-ah kalkhawmin ‘training’ neihpui an ni a, chuta tel pakhat chu a tukah a positive tih hriatchhuah a nih avangin, training-a tel mi dangte pawh enfiah an ni ta a ni.

Positive hriatchhuah hi Zangena Filling Station-a petrol la a ni a, Inrinni khan a result hi hriat a ni tih thu dawn a ni.

Kolasib bawrhsap Dr H Lalthlangliana chuan mi dang enfiah nghal an nih thu The Aizawl Post a hrilh a, positive nena inhnimhnai zualte chu an sample laa enfiah nghal a nih thu leh Chawlhni khan an result pawh hriat a nih thu, an negative vek thu a sawi.

Health department lamin training-a tel mi dangte pawh enfiah tur an tih avangin Thawhtanni khan an chhunzawm tih a sawi a, Rapid Antigen Test leh RT-PCR hmanga en an nih thu, a zatve vel chu an zawh tawh thu leh result pawh chhuak thuai tura an beisei thu te a sawi bawk.

Training-ah hian inbichilhin an awm lo a, ‘social distancing’ an vawng tih a sawi a, positive hriatchhuah pawh hian tu nen mah an inthut hnaih loh thu leh pen pawh mi dang nen an inhman tawm loh thu a sawi, a ti.

Training-a telte enfiah hna hi zawh thuai an beisei thu leh result pawh an hriat thuai an beisei thu a sawi a, result an hriat tawhah a pawimawh hmasaa ngaihte an negative thu leh, chuvangin a hnuhnunga mite chu negative tura beisei an nih thu bawrhsap chuan a sawi.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy