Inthlana PwD leh kum upate
hamthatna tur ngaihtuah sak
Hnahthial district-a rualbanlo (PwD) leh kum upa (senior citizen) te electoral roll-a kim taka thun an nih theihnan leh awlsam zawka vote an thlak theih dan ngaihtuahin District Monitoring Committee on Accessible Election (DMCAE) chu Thawhtanni khan district election officer, bawrhsap K Vanlalruati kaihhruaiin an thukhawm.
Election Commission of India chhinchiah danin, South Tuipui bialah hian tunah voter 16437 an awm a. PwD 61 awmin voter awm zawng zawng atanga chhutin zaa 0.37 an ni. Polling station 27 awmah PwD awm lohna PS 8 a awm.
ECI chhinchiah danin South Tuipui bialah hian kum 85 chunglam vote nei 78 an awm a, vote nei zawng zawng atanga chhutin zaa 0.47 an ni. Senior citizens neilo polling station 7 a awm a ni.
District election offier chuan, ECI hnuaia chhinchiah si loh, PwD emaw kum upa emaw hria an awm a nih chuan anmahni bialtu booth level officer hnenah hrilhhre turin a chah a ni.
Inthlana PwD leh kum upate hamthatna tur ngaihtuah sak
