Intihcher deuh kan tum chuan min ti thau thei tu ni a kan ngaih te chu kan kalsan ve hram hram thin a, ei leh in-ah theih tawpin kan insum a, exercise kan la bawk a, hei bakah hian tih tur dang a la awm a nia. Kan men/harh laia kan thil tih bakah, kan mutnaah tih tur dang a la awm. Tun tumah hian Times of India health section-in intihcher tumte tana zan mutnaa hriat tur pawimawh ni a an sawi te kan rawn tarlang e.
1. Mut dawnah inbual rawh. Mut dawna inbual zuai hian min ti-’fresh’ a, mut a ti tui duh. Kan taksa temperature a tidai a, min tihahdam a, kan mut tha thin. Mut that hi rihna paih tum chuan a pawimawh tlat a ni.
2. Zanriah tlemte chauh ei rawh. Ni khata kan chaw ei- tukthuan, chawchhun leh zanriahah hian zanriah bik hi tlemte chauh ei tur a ni. Zanriah kan ei tlem chuan digestion a tichak a, metabolism a tichak a, calorie a paih chak bawk.
3. Zu in loh a tha. Zu-ah hian empty calorie a awm a (empty calorie- chaw nutrient pai lo), chu chu mi tithautu a ni.
4. Apple cider vinegar in rawh. Apple cider vinegar hian thatna chi hrang hrang a nei a, chung zingah chuan digestion a tichak thei. Apple cider vinegar thirfian hnih zan mut dawnah in la, chu chu intihcher i tumna a pui nasa hle ang che.
5. I mutna ti thim rawh. Zan mut that hi intihcher tumte tan a pawimawh. Mutna a ên ut mai chuan mut a tui lo duh a, chuvangin dim light emaw êng tih thim vek emaw a tha.
6. Room daih reih rawihah mu rawh. Room daih raih maia mut hian kan taksa a thau a paih chak bik. Kan mut hlana kan taksa tihlum nan thau a lo kalram chak bik a ni.
Intih cher tum te tana bedtime routine
