Daily Newspaper

Intih thau i duh em?

158

I duh aiin i cher a, thau satha ve deuh nih i chak a nih chuan ei tur thlang uluk la, exercise la tha leh, mu tha bawk rawh. Chu chu mithiam ten intih thau nan a tha an ti. Tun tumah hian Times of India health section-in intihthau theih dan nia an tarlan te kan rawn chhuah chhawng e.

1. Chawah calorie leh protein pai tam chi ei tam ang che. Sangha, artui leh sa te hian protein an pai tam a, peanuts, balhla chips leh dried fruits-ah calorie a tam bawk.

2. Calorie leh protein pai tam chaw i ei tam avangin i taksa i chet tir tam a pawimawh ve leh a. Mahse, exercise i lak pawhin cardio (hah vanga lungphu tirang thei chi ti mai ila, cardio exercise-ah chuan walking, running, bicycle riding, swimming, rowing leh aerobic workouts te pawh a tel) lam chu tih loh tur a ni, cardio exercise hi taksa a thau paihtu tha tak a ni tlat, chuvang chuan complex leh compound exercise (Examples Squats, Lunges, Deadlifts, Leg Press, Barbell Bench Press, Dumbbell Bench Press (flat, incline, decline), Close Grip Bench Press, Pull ups/Chin ups, Military Press/Shoulder Press etc) ang chi tih zawk tur a ni.

3. I lo thau ta deuh a nih pawhin i calorie lakluh thlithlai reng tur a ni a, hemi atan hian diet chart siam a tha khawp mai. Diet chart siam turin mithiam i rawn theih chuan i hlakwpui hle ang. Diet chart i siam chuan zawm ngei ang che.

4. Zan mut that a pawimawh hle. Kan muthilh lai pawhin kan taksain tihrawl a siam reng a, zanah darkar 8 tal mut tum tur a ni.

5. Chaw dawn hnaiah tui in loh tur. Chaw dawn hnaia tui in chuan min ti puar a, hei bakah hian kan taksain calorie a nih tur angin lak theih loh phah thin a, min ti thau chak lo thei a ni.

(THE AIZAWL POST – Phuah Pawlh)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy