Intihcher nan purunvar leh khawizu
Taksa hriselna lamah inenkawl that a tulna leh rihna tihhniam a tul dan te kan hriain kan ngaipawimawh thar zel a, kan rihna tihniam tumin exercise te kan la a, ei leh inah te kan insum thin. Hetihrual hian thawklehkhata rihna tihhniam thutna tur hi a awm lo tih hriat a tha. Chutiang a nih lai chuan kan exercise lak leh ei leh insumna te chuan rah a chhuah ran theih nan thil tangkai leh tha te chu a awm a, exercise lak dan inang rau rauah pawh exercise lak hma leh lak zawh hnuaa kan thil ei leh in, thau paih (metabolism) tichak theitu a awm thin. Chutiang zinga pakhat chu purunvar leh khawizu tui hi a ni a, intihcher tumte tana ‘magical drink’ tih te pawhin an sawi hial a ni.
Purunvar leh khawizu hian taksa hriselna atan thatna chi hrang hrang a nei tih chu kan hre vek tawh ang a, hritlang enkawl nan te, BP sang tan leh cholesterol level siamthat nan te a tha tih kan hria. A pahniha a ruala ei phei chuan rihna paih tumte tan a tha hle niin Times of India health section-in an tarlang a, kan rawn chhuah chhawng e.
A siam dan: Purunvar fang 3-4 vel sin takin chan sawm la, khawizu thirfiante khat leh lawngpar chansawm nen no-ah uluk takin chawhpawlh la, chu chu zingkarah, kawruah laiin i ei dawn nia.
Eng nge a thatna: Khawizu leh leh purunvar chawhpawlh ei chu a chakawm vak lo pawh a ni mai thei, mahse, rihna paih tumte tan a tha tlat si a ni. Kawruah laia kan in chuan rihna paih turin metabolism a tichak a, hetiang chawhpawlh inzawh hnu minute 10 velah exercise la la, chuan chuan rihna a paih chak lehzual dawn a, hei bakah hian taksa hriselna atan pawh thatna chi hrang hrang a nei a, digestion a tichak a, taksa a tifai bawk.
A thatna dang: Khawizu leh purunvar chawhpawlh chu BP sang enkawl nan a tha a, cholesterol level siamtha tu a ni bawk. Hritlang leh khuh tan pawh a tha hle. Digestion a pui a, chuvangin pum lam chiang lo nei thin tan a tha. Taksain natna a dona (immune system) tichaktu a ni. He thil chawhpawlh hi thin (liver) tan pawh a tha hle.
Intihcher nan purunvar leh khawizu
