Daily Newspaper

Intlawhpawh leh inlenpawh vangin hri inpawh

POST NEWS SERVICE

37

Mizoramah Covid-19 hri a hluar mek a, intlawhpawh leh inlenpawh vangin hri pawh an inpawh mek. Vanduai vang leh inven sen loh vanga hri kai an awm bawk a, chutih rual chuan intlawhpawh vang leh inlenpawh vangin hri hi a darh tih chu hri do hnathawkte thlir dan a ni.

“Intlawhpawh hi hri tidarhtu a ni a, Mizoram chauh a ni lo a, India ramah, Europe-ah, khawvel ram dangah pawh intlawhpawh hi hri tidarhtu a ni a. Chuvangin kan insum a ngai a, kan tanrual a ngai a ni,” Covid-19 chungchanga Mizoram sorkar thupuangtu Dr Pachuau Lalmalsawma chuan a ti.

“Fimkhur tak chunga hri kai an awm a, theihpatawpa inveng chunga kai an awm a. Vanduai hi a awm a, inven sen a nih loh chang te pawh a awm. Chutih rual chuan inveng lo, fimkhur loh vangin a kai theih a, mi dang nena intlawhpawh vanga kai, chutianga darh te chu a awm bawk a,” a ti bawk.

Hrileng do nana sorkar din Medical Operational Team on Covid-19 te’n Aizawla hmun hrang hrang 14 tlawha an zirchiannah pawh hri vei zinga 85% chu mi dang nena intlawhpawh an ni tih an hmuchhuak.

Official pakhat, a hming tarlan rem lo chuan vanduai vanga hri kai an awm rual hian fimkhur loh vanga hri a darhna hmun a awm thu leh, sawi nuam a nih loh thu a sawi a, “Lehkha lo deng te, chaw eikhawm te, intlawhpawh naran pawh ni lo, chutianga thil lo tiho te pawh an awm a,” a ti.

July ni 18 atangin Mizoram sorkarin Aizawlah total lockdown a puang a, tunah rih chuan intlawhpawh leh inlenpawh hi a awm lo viau niin a lang.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy