wha thlante kan intlawnsiakna politics hian anmahni a hruaisual thin tih ZPM Political Affairs Committee member TBC Lalvenchhunga chuan a sawi a, chutiang chu tih bo a tul tih a sawi.
Aizawl West-I huamchhuang Zonuama ZPM Information office hawnnaah TBC Lalvenchhunga chuan, mipuiin kan chunga rorel tur ni lo, kan aiawh tur kan thlang thin a, hna thawk tur kan thlang a ni tih hriatreng a tul tih sawiin, “Intlawnsiak politics hian kan aiawha kan thlante a hruaisual thin a; chutiang chu tihbo a nih theih nan thawk ho a, Mizo taka rorelna dik dinpui atan ka sawm che u,” a ti
Central atanga sum lokal leh kan mamawh atana state-in a puk chu ram hmasawn nan an hmang dawn a, langtlang sawrkar an din dawn tih a sawi a. Kalphung tharah chuan chief minister-in Council of Minister te tha taka a vil theih nan works department enkawl a nei lo anga, eirukna tibo turin nasa takin hma an la dawn tih a sawi.
Contract hna a tam thei ang ber open tender-a an koh tur thu leh inrenchem beihpui thlak a nih tur thu te sawiin, “Chief minister leh minister ten hma an hruai anga, sawrkar motor pakhat bak an kawl loang,” a ti.
Intlawnsiak politics-in kan thlante a hruaisual
