Sawrkar laipui Ministry of DoNER-in North East Global Investors Summit (NEGIS) a buatsaih turah Mizoram a tel ve na tur ngaihtuahin Empowered Committee for Investment in Mizoram chu Thawhtanni khan chief minister Zoramthanga hoin an thukhawm.
NEGIS 2023 ah hian India ram chhung leh pawnah India hmarchhaka investment nasa zawk a luh theihna’n roadshow neih a ni dawn a. Chumi atan chuan Mizorama investment tih theihna project hrang hrang chhawpchhuah theih tur sawi ho a ni. Tourism, skill (nursing, hospitality, garment making, entertainment etc), sports, food processing, education leh a dangtea theihna awmte sawi a ni a. He hmalakna kal zela tunhnaia sawrkar department leh state pawn sumdawngmite inkara thawhhona chungchang sawi an lo neih tawhte thlirnawn a ni bawk.
NEGIS roadshow leh pre-summit hi May 29 atangin Mumbai, Dhaka, Hyderabad, Kolkata ah te neiin August 19-ah New Delhi-ah Ambassador Meet neih tum a ni. Hengah hian state-ten investor-te hnenah state chhunga investment ti tura theihna awm hrang hrangte entira sawifiah a ni ang.
Investment tih theihte phochhuah dan tur rel
