Daily Newspaper

IPL player pahnihin hri kai

31

Hripui tihbuai Indian Premier League chu United Arab Emirates lama khel tura rua-hmanna kalpui a nih hnuah IPL khel tur team hrang hrangin Arab ram hi an pankhawm hlawm a, hripui laka fihlim tura test an kalpuiah player pahnihin hri an kai tih Board of Control for Cricket in India (BCCI) chuan a tarlang.

BCCI thuchhuah chuan August 20-28 chhung khan IPL vuak-veta inhnamhnawih tur mi 1,998 enfiah an nih thu leh hrikai an hmuh-chhuahte chu natna lang chhuak lo (asymptoma-tic) an nih thu an sawi a, Chennai Super Kings-a case 10 an hmuhchhuah zinga mi ve ve an nih thu an tarlang tel.

Chennai Super Kings-ah hian hri a darh hluai a, player-te bakah an support staff, net bowler thenkhat leh team official nupui pakhat chuan hri hi an kai a, tuna UAE lama player pahnih hri kai an hmuhchhuah pawh hi Super Kings player ve ve niin, pakhat hi India international a ni nghe nghe a, an hming erawh puanzar a ni lo.

positive-te hi hotel hran ve veah khung niin, chawlhkar hnih tal an in quarantine rih dawn a ni.

IPL-a vawithum ngawt champion tawh Chennai Super Kings hian August ni 23 khan UAE hi thl^wklut fel tawhin, Zirtawpni atang khan Dubai-ah team training an tan tawh nghe nghe.

Hetih lai hian Super Kings’ all-rounder Suresh Raina hi mimal thil avangin India ramah a thl^wkkir a, kumin tournament-ah a inlan dawn ta lo a ni. Raina hi he competition-a run siam hnember dawttu a ni m>k nghe nghe.

Kumina IPL game 53-te hi Covid-19 avangin India leilunga khelh ngam a ni lo a, UAE-ah hian an khel zo vek dawn a; kumin session hi Septem-ber ni 1-a tan turin sawn-hla tawh mah se Septem-ber ni 19 hi an khelh tan hun atana an ruat thar ber a ni leh ta rih.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy