Information & Public Relation director C Lalnunkima chuan Zirtawpni khan District Information Office Lunglei tlawhin, office thawktute leh Lunglei MJA member-te nen an inkawm.
I&PR director chuan Lungleia an department thawktute leh MJA-in thawhhona tha tak an nei chu lawmawm a tih thu a sawi a. MJA chu an department tichaktu pawimawh tak a ni, tiin, Lungleia DIPRO office pawh tha taka an lo thawhpui tawh thin avanga lawmthu sawiin, tuna DIPRO thar leh staff te pawh theihtawp chhuaha thawhpui zel turin MJA-te chu a sawm a ni.
I&PR department chu amah ringawtin a kal thei loa, mipui leh sawrkar rawngbawlna kawngah MJA nen thawhhona tha tak an neih zel a pawimawh hle, tiin, hun lokal zel turah pawh MJA nen thawhhona tha tak neih zel a duhthu a sawi bawk.
MJA Lunglei president Laltlanthanga chuan director-in Lunglei MJA nen inkawmna hun tha a buatsaih chu lawmawm a tih thu a sawi a. I&PR department chu MJA-in a intineitu hle tih sawiin, an theihna zawnah chuan thawhhona tha tak neih zel an tum tih a sawi.
I&PR director hian DIPRO office bakah quarters dinhmun a enfiah a ni.
I&PR director Lungleiah
