IPR minister-in MJA a kawm
Information & Public Relations minister Dr Vanlalthlana chuan Ningani khan Lungleiah MJA Lunglei District member-te leh I&PR office Lungleia thawktute a kawm.
District IPRO C Lalhruaitluanga chuan Lungleia I&PR office dinhmun a sawi a. Office tihchangtlunna tur leh mamawh an neihte a thlen. Minister chuan department tichangtlung turin ruahmanna hrang hrang siam a ni tih a sawi a. Sum mamawh dil leh ngaihtuah a nih dan, thawktu indaih lohna phuhru tura thawktu lak belh leh hmanraw mamawh lei tura hma lak a nih thu a sawi.
MJA Lunglei District president H Lalthansanga chuan, MJA Lunglei dinhmun tlangpui a sawi a. MJA member-te hian journalist-te hamthatna leh hmasawnna tur, sawrkar nen thawhhona tha a awm theihna tur leh ram hmasawnna tura an ngaihpawimawh an sawipui a ni.
IPR minister chuan District MJA member-te leh I&PR office-a thawktuten an mamawh leh ngaihpawimawh an thlen chu a theih anga bawhzui a nih tur thu sawiin, Lungleia I&PR leh MJA ten thawhhona tha tak an neih chu vawngnung zel turin a chah. Sawrkarin journalist-te tan hamthatna tur ruahmanna hrang hrang a kalpui tih sawiin, journalist-te chu mipuiin sawrkar hmalakna an hriat theihnan leh an tana hamthatna ruahmante a chawr tur takin an chhawr theihnan a puanzar kawngah theihtawp chhuah zel a, a tulnaah chuan sawrkar finchhuah zel turin a sawm a ni.
IPR minister-in MJA a kawm
