Iran-in a chhehvel a beih karah EU-in Arab ramte thlawp

Iran-in a chhehvel a beih karah EU-in Arab ramte thlawp
US leh Israel-te beihna chhan letna atan Iran-in an chhehvel hmun hrang hranga missile leh drone hmanga beihpui a thlak chhunzawm zel karah European Union hruaitute chuan Gulf-a Arab ramte chu an thlawp thu an sawi.
EU foreign policy chief Kaja Kallas leh European hruaitu dangte chu Ningani khan Brussels-ah Gulf Cooperation Council (GCC) hotute nen an inbia a, ‘Iran-in GCC ramte a beih ve lo thei lo’ tia sawi chu a dik lo tih an sawi.
EU-GCC thuchhuah chuan, “Minister-te chuan Iran-in GCC ramte a beih dan dik lo, an chhehvel leh khawvel pum himna tichhe thei chu na takin an dem a, Iran chu a beihpui thlakna tihtawp nghal turin an ngen,” an ti.
Thuchhuah chuan Gulf ramte chuan ‘an himna leh muanna humhimna tur leh an ram, mipui leh mipuite humhimna tura a tul zawng zawng tih theihna’ an nei tih an tar lang bawk.
Belgian khawpui thukhawmte hian Europe ramten Gulf-a a tangrual ramte chu ‘tanpui turin an inpeih’ tih a chiang a, ‘mahse, indawr leh boruak tidai tura inbiak chu an duh zawk’ tih an sawi niin thuthar lakhawmtuten an sawi.
Thutkhawmah hian US-Israel tang dunin Iran an beihnain a nghawng zau zel chungchang an sawiho va, Iranian sorkar chanchinbu chuan Inrinni kal taa indona a chhuah atang khan mi 1,230 vel an thi tawh niin a tar lang.
Israel chuan indona kal mekah hian Lebanon-ah beihpui a thlakna a tizau zel a, US pawhin Nilaini khan Iran lawng chu tuipuiah a tipil a, lawnga chuang mi tam tak an thi niin an sawi ve bawk.
Iran chuan beihna an tawh chhan let nan an chhehvel ram hrang hrangah pawh beihpui a thlak chhunzawm zel bawk a. Qatar, Bahrain leh Kuwait te pawh a kap chhunzawm zel a, energy hmunhmate a bei nasa zual a, hei hian khawvel energy sumdawnna a nghawng theih hlauhna a siam mek.
Europe ramte chu buaina huang zau zelah hian hruai luh zel a ni a. France leh UK chuan Nilaini khan Cyprus-ah indo lawng leh air defence hmanrua thawn an tum thu an puang.
Tun kar tir lama Iranian drone-in Mediterranean thliarkara British Royal Air Force hmun a beih hnuah inralrinna a tichhuak a ni.
Ningani khan Italy chuan Cyprus-ah ‘lawng sipaiute hmanrua’ a thawn dawn tih a sawi leh bawk a, Netherlands leh Spain te nen an thawn dawn niin a sawi.
Italian Prime Minister Giorgia Meloni-i pawhin thuthar thehdarhtute a kawmnaah Italy-in Gulf-a tangrual ramte hnenah Iran beihna do let nan air defence system a pe dawn tih a sawi leh bawk.
Hetihlai hian UK, Greece leh Portugal chuan indona a kal zel avangin US sipaite chu inhriat thiamnana nen an hmunhma hman phalsak an tum thu an sawi a. Spain erawh chuan a duh lo a, hei hian US President Donald Trump-a pawh tithinur hle.