Daily Newspaper

Iran-in a nuclear sites te UN endik a remti tawh dawn lo

7

Iran parliament chuan dan thar siamin UN inpsection team tena an nuclear sites a enfiah thin chu phal tawh dawn lovin uranium thlitfim pawh a tichak zual dawn bawk.

He dan thar hmang hian sorkar chuan uranium thlirfim chu kum 2015 Tehran nuclear deal a inremna siam aia 20% laiin a tisang dawn a ni.

He dan thar siam hi tun hnaia Iran top nuclear scientists that a nih hnua thleng a ni a. Karkalta Zirtawp khan Mohsen Fakhrizadeh cu Tehran khawpui pawnah kahhlum a ni a. Iran chuan Israel tena remote control ralthuam hmanga an thah a ti a, Israel chuang engmah sawi a la nei lo thung.

Fakhrizadeh kha Iran nuclear programme a mi pawimawh chungchang niin mahse Iran sorkar chuan a nuclear activity te chu ralthuam siam nan a ni lo a ti tang tang thung.

Iran in dan thar a siam Guardian council in a pamwpui tak hmang hian Tehran chuan kum 2015 nuclear agreement a hming ziah hnan tu European signatory te hnenah inremna atanga kum 2018 a US a inhnuhdawh hnua Iran oil leh financial sector hrekna chu tinep turin thla hnih a pe dawn a ni.

Thla hnih chhunga Iran hrekna tihnep a nih loh chuan Iran chuan uranium thlirfim chu 20% a tipungin centrifuges chu a nuclear facility Natanz leh Fordow ah a bunbelh dawn a ni.

Hei mai bakah hian heng hmun te hi UN inspector tena an tlawh leh endik a phal tawh dawn lo bawk a. “”Parliament chuan president chu dan thar hi kalpui turin a ngen a ni tiin Iran Fars news agency chuan a sawi a.

Mahse, Iran President Rouhani chuan a sorkar chuan he dan hi a pawm loh thu sawiin diplomacy tana tha lo tiin a sawi thung.

US President Donald Trump chuan kum 2015 Tehran nuclear deal chu May 2018 khan chhuahsanin Tehran chu nasa zawkin a hrek zui a ni.

President-elect Joe Biden chuan Barack Obama hunlaia US in inremna a siampui chu a kalpui leh tur thu sawiin Tehran in nuclear deal siam anga thil a kalpui dawn chuan hrekna a hlih tur thu a sawi nghal thung.

EU, US leh UN te chuan kum 2010 khan Iran chuan nuclear programme a kalpui te chu nuclear bomb siam nana hman a tum tia ringhlelin an hrek a. Kum 2015 khan hrekna hi Iran mipuite chhawk nan tlema her danglam a ni a, kum 2018 khan Trump chuan he inremna hi Iran duhsakna uchuak tia sawiin a inhnuhdawh san a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy