Daily Newspaper

Iran-in a scientist thattu-ah Israel puh zui zel

10

Iran chuan kar kalta Zirtawpnia an nuclear scientist Mohsen Fakhrizadeh thihna chu Israel leh opposition group ram danga awm tena remote-control weapon hmanga an tih niin a sawi.

Security chief Ali Shamkhani chuan Mohsen thah nan hian ‘electronic bungrua’ hman a ni tia sawiin Fakhrizadeh kha Tehran khawpui pawn khawchhak lamah a car chuang lai tihhlum a ni.

A hma pawhin Iran chuan an scientist thihnaah Israel a inhnam hnawih ngei an rin thu an sawi nghal a. Tun thlengin Israel chuan sawi engmah a la nei lo thung.

Kum 2000 tir lam vel khan Fakhrizadeh hi Iran nuclear prgramme a mi pawimawh ber zinga mi niin Tehran chuan a nuclear activity te chu ralthuam siam nan a kalpui lo a ti reng a ni.

Eng tiangin nge scientist a thih?
A scientists thihna chung changah Iran chuan a sawi dan a danglam deuh reng chungin a landanah Fakhrizadeh kha Tehran khawchhak lama Absard khuaah a car chu silai hmanga phuh a ni a.

Hetihlai vel hian Nissan pickup truck chu a bul lawkah a puak nia sawi a ni bawk.

A tir berah chuan Iran defence ministry chuan Fakhrizadeh vengtu te leh silai keng te an inkap tiin an sawi a. Iranian report pakhatah chuan ‘mi pathum emaw pali emaw firfiak nia hriatte kahhlum an ni’ tih a ni bawk.

A hnuah Iranian media te chuan Fakhrizadeh chu ‘remote-controlled machine gun’ emaw satellite hmanga thunun ralthuam hmanga tihhlum an ti leh thung.

Thawhtanni khan Supreme National Security Council head Rear Admiral Shamkhani chuan remote hmangin ‘special method’ hmanga beih tiin a sawi a. “Electronic bungrua danglam tak hmangin beih a ni a. A hmunah tute mah awm an awm lo,” tiin a sawi a ni.

Iranian intelligence leh security service te chuan Fakhrizadeh thah tum hi an hriat lawk thu sawiin an thah tumna tur tak pawh an sawi lawk thu a sawi bawk a. Tu te nge mawhpuh tur tia zawhna chu Iranian opposition group hnawhchhuah Mujahideen-e-khalq leh Israel te tiin a sawi.

Israeli Intelligence Minister, Eli Cohen chuan thawhtanni khan radio station in an interview naah tu te nge Fakhrizadeh thattu a hriat loh thu a sawi a.

Mahse, senior Israeli official Iranian nuclear activity chhuitu chuan New York Times hnenah ‘Iran in nuclear ralthuam neih a duhna leh Fakhrizadeh an a kalpui zelah khawvelin Israel lakah lawmthu a sawi tur a ni’ a ti tia chhuah a ni thung.

Fakhrizadeh vuina hi Tehran a defence ministry hmunah neih niin a ruang chu Tehran hmar lama thlanmualah phum a ni zui bawk a.

A vuinaah Defence Minister General Amir Hatami chuan Iran chuan phuba a lak tur thu sawiin, “Kan hmelmate pawhin an hre chiang a, sipai ka nih angin suahsualna leh firfiaka chetna tin te hi Iran mipui ten chhanlohin an dah dawn lo” tiin a sawi.

Iran Organization of Defensive Innovation and Research, Persian tawnga SPND tih mai, Fakhrizadeh kaihhruai chuan ‘nuclear defence’ lamah hna ropui tak a thawk tiin General Amir chuan sawi bawkin sorkar chuan SPND budget chu ‘martar doctor’ sulhnu chhunzawm nan a tihpun tur thu leh chak zawka kalpui a nih tur thu a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy