Daily Newspaper

Iran President atan Elbrahim Raisi la lut ta

10

June thlaa inthlana chakna chang Iran president thar Elbrahim Raisi chu lakluh a ni ta.
Raisi hi hardline cleric niin khawthlang ram tena moderate a an ngaih Hassan Rouhani chu a thlak dawn a ni.

Iran-in US kaihhruaia hrekna an hmachhawna harsatna nasa tak a tawh mek laiin thuneihna a kengkawh dawn a ni.

Kar kalta lawka Oman a oil tanker beihnaah Iran chu khawthlang ram tena an puh mek a ni bawk a, Iran erawhin a pha thung.

Oil tanker beihnaah khan British leh Romanian security guards te chu tihhlumin an awm a ni. Oil tanker tihchhiat MV Mercer Street kha Iraeli copmpany ta niin US, Britian leh Israel te chuan Iran hnathawh ngei tiin an sawi.

Kum 2018 a khatihlaia US President Donald Trump-an Iran nuclear deal atanga US a inhnuhdawhpui atangin boruak a tang cho ta tial tial a ni.

Raisi chuan a sorkar thar chuan khawvelin a hrekna te hlih a nih theih nan hma a lak tur thu sawiin mahse foreigner te duhdan ang ngawtin a ram chu a inphah hnuai dawn lo tiin a sawi bawk.

Tehran nulear deal tharthawh a nih leh theih nana Iran leh khawvel ram hrang hrang tena Vienna a inbiakna an neih chuan rah tha a chhuah hleithei meuh lo va. Kar tam tak chhung inbiakna neih zui theih lohin a awm tawh a ni.

US hrekna avanga Iran economy chhe zel avangin Iran ram chhungah lungawilohna a nasa tial tial bawk a, nitin nun man a sangin damdawi mamawh awm lo bawk nen Iran chuan US a puh chhe hle bawk.

Economic crisis mai bakah Iran chuan coronavirus crisis a tawng mek bawk a. Helai bial vela Covid-in a nuai nasat ber chu Iran nia ngaih a ni a, hripui leng a nasa zual zel bawk.

Tun hnaiah Iran chhim thlang lamah tui thianghlim mamawh awm tawk lo avangin mipui ten lungawilohna an lantir tawh bawk.

Kum 60-a upa Iran president thar hi Supreme Leader Ayatollah Ali Khamenei thlawp tlat leh hnaihtu tak niin amah thlak tura rinkai ber zinga mi a ni bawk.

Judiciary chief hlui Raisi hi human righs bawhchhiatna lamah a record a chheh hle bawk a. Kum 1988 a Iran a political prisoner tam tak tihlumah inhnamhnawih niin Campagn group te chuan an puh bawk.

US chuan human rights bawhchhiatna avangin Raisi hi kum 2019 khan a hrek zingah a lo telh tawh bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy