Daily Newspaper

ISL-ah East Bengal inhnimphum ve ta nge nge

10

Indian Super League (ISL) season tan chhoh turah East Bengal chu team inlan tur 11-na an nih thu nemngheh a ni ta.

ISL organisers Foot-ball Sports Development Limited (FSDL) chuan nimin khan he thu hi official-in an puang a, East Bengal chu 2020-21 season atangin ISL-ah an inlan dawn tih an puang.

Kolkata giants dang Mohun Bagan pawh ATK nen inchhunfinin ISL-ah ATK Mohun Bagan tiin an inlan dawn a, Indian football-a an hmelma kumhlun East Bengal pawhin Indian top division an zawm fel ve ta a ni.

West Bengal Chief Minister Mamata Baner-jee chu ISL-a East Bengal an luh theihna tura mi pawimawh pa-khat niin, Shree Cement Limited atanga Red and Golds-in tanpuina sum an hmuh theih tak avangin a hma deuh khan Didi hian top flight lama East Begal inlan tur thu hi a lo sawi-chhuak tawh nghe nghe a ni.

ISL season sarihna tur kan nghah mek hi hripui avangin khawpui hrang hranga khelh a rem rih dawn ta lo a, Goa lamah an khel dawn a, East Bengal an intahluh ve tak avangin Indian football-a derby ropui ber ni kumkhua Kolkata derby ngei mai ISL-ah thlir tur a awm dawn ta a, ATK Mohun Bagan vs East Bengal tih a ni thung tawh ang.

ISL 2020-21 season hi entu awm loin a lo berah season chanve chu an khelh phawt hmel a, chumi hnu lamah hripui boruak awm dan enin fans thlahdul lam an la ngaihtuah chhunzawm tura ngaih a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy