Israel beihpui thlak tharnaah mi 50 chuang thi
Israel chuan pathianni atang khan Gaza strip pum chu thlawhna leh lei lam sipai hmangin a bei leh a, chhanchhuah hnathawktu leh tualchhung hriselna lama thawktute chuan mi 50 chuang an thi niin an sawi.
Israel sipaite chuan Hamas leh tangrual pawl, Palestinian Islamic Jihad-te a beih thu hi a sawi chiang bawk.
Nunna chan zingah hian naupang bakah, Al Jazeera TV network a thawk cameraman leh civil defence agency a thawkte an tel bawk nia sawi a ni.
Hamas enkawl health ministry chuan he thihna nen hian thla 14 chuang Israel leh Hamas indona thleng tawha thi zat chu 45000 an pel tawh bawk niin an sawi.
Hamas enkawl ministry hian Israel in beihpui a thlak hian civil mite a thliar hrang ngai lo niin a sawi a, hei vang hian hmeichhia leh naupang bakah, tar chak lo thi zat pawh hi 29,980 an tling tawh niin a tarlang bawk.
Hetih lai hian he thil hi Israel sorkar chuan a pawm lo thung a, firfiak beihna chu uluk taka chian hmasak phawt hnua nei chauh thin an nih thu sawiin, heti zat hi civil mi an thi thei lo niin a sawi ve thung.
Israel beihpui thlak tharnaah mi 50 chuang thi
