Yahya Sinwar a awmna chin hriat a ni lo. Chu chu thil mak a ni lo va, Israeli sipai sang tel tehmeuh leh an ralthuam te nen gaza an thutchilh tawh vang a ni.
Sinwar hi Gaza a Hamas political wing hruaitu niin Israel mihring duh ber a ni bawk.
7 October a southern Israel beiha mawhphurtu bera ngaih niin khatah khan mi 1,200 chuangin nunna chanphahin mi 200 chuan an ru bo bawk.
“Yahya Sinwar hi commander a ni a, mi thi ni mai tur a ni” tiin Israel Defense Forces (IDF) spokesman Rear Admiral Daniel Hagari chuan October thla tir khan a lo sawi daih tawh a.
“Israel beiha thutlukna siamtu chu Yahya Sinwar a ni” tiin IDF Chief of Staff Herzi Halevi chuan a sawi a. “Chuvangin amah leh a hnuaia mite chu mi thi tur vek an ni” tiin a sawi a. Chung zingah chuan Hamas military wing leader Mohammed Deif leh Izzedine al-Qassam Brigades te pawh an tel.
Hugh Lovatt, senior policy fellow, European Council on Foreign Relations (ECFR) chuan Deif chu 7 October Israel beihna ruahmantu ber a ni tia sawiin mahse Sinwar pawh a sulsutu zingah a tel tiin a sawi a.
Israel chuan Sinwar hi Hamas leader Ismail Haniyeh hnua hotu lawk ber niah a ngai a. Tunah pawh a bodyguard te nen Gaza a tunnel khawimaw berah an la biru mekah a ngai a ni.
Kum 61 a upa Sinwar hi Abu Ibrahim tia hriat ni bawkin Gaza Strip chhim tawp lama Khan Younis refugee camp a piang a ni a. A nu leh pa te chu Ashkelon chhuak niin mahse kum 1948 indona Israel nena neiha Palestinian te an ancestral home atanga nawrchhuah an nihna Palestinian ten “al-Naqba” (the Catastrophe) an tih mai mi tam tak chenna mumal nei lova siama an awm laia refugee te an ni.
Khan Younis Secondary School for Boys ah zirna bultanin chumi hnuah Islamic university of Gaza atangin Arabic language ah bachelor degree a la zui a.
Khatihlai khan Khan Younis chu Muslim Brotherhood te hmunpui a ni a. |halai tam tak refugee camp a awm rethei bakberh te chu mosque a kal tura fuih bertu an ni a, chung mite chu a hnuah zel pawh Hamas tana mi pawimawh an ni zui ta zel a ni.
Kum 19 mi lek a nih kum 1982 khan Sinwar chu Israel in ‘Islamic activities’ kaihhnawihah a man a, kum 1985 ah a man nawn leh a, chutihlai chuan Hamas dintu Sheikh Ahmed Yassin mirin a ni tawh.
An inmil hle tiin Kobi Michael, senior researcher, Institute for National Security Studies, Tel Aviv chuan a sawi a. Yassin chuan Sinwar chu a hnu zelah pawh dinhmun pawimawhah a dah a ti bawk.
Kum 1987 ah Hamas din a ni zui a, internal security organisation tihbaiawm zet mai al-Majd a din a, kum 25 chauh a la ni.
Al-Majd te chu morality an tih bawhchhiate nataka hremna lekkawh thin te niin sex video zuar ang te, Israel nena inzawmna nei hlek te chu an vaihma miah miah mai a ni.
Israel nena inthurual tia puh mi tam tak rawng taka tihhluma mawhphurtu a ngaih niin a thente chu ama thah ngei te pawh an tel tiin Yaari chuan a sawi bawk.
Kum 1988 khan Sinwar chu Israeli sipai pahnih rubo a thattu a ti a, he mi kum vek hian Palestinian 12 a tihhlum avangin dam chhung lung in tang turin a ti ta a ni.
Sinwar hian a puitlin kum tam zawk kum 22 lai chu Israel lung in ah kum 1988 atanga 2011 thleng khan huna hmang a.
Lung in atan lai hian Hebrew a thiam nal hman hle a, Israeli newspaper te a chhiar thin bnawk.
Kum 2011 khan Israeli sipai pakhat Gilad Shalit leh Palestinian Israel lungin tang 1,207 inthleng tawn zingah a tel ta a.
Shalit kha rukbo a nih hnuah kum nga lawih hren niin a rubotu zingah Sinwar unaupa senior hamas military commander pawh a tel a ni.
Heng hunah hi chaun Israel chuan Gaza Strip chu chhuahsan tawhin Hamas te chuan thuneihna an chang ta bawk a. An elpui ebr Yasser Arafat a Taah party te an hneh hnuah khauh takin hma an la zui ta a.
Sinwar an Gaza a let leh khan hotu ah pawm a ni nghal tiin Michael chuan a sawi a. Hamas dintu a nih piah lamah miten an hlau eme m tawp mai a ni. A nunrawng a, a huangtaua chutihrualin mi hneh theihna a nei, tiin Michael chuan a sawi bawk.
Sinwar chuan Izzedine al-Qassam Brigades leh chief of staff Marwan Issa te nen inzawmna a siam nghal a. Kum 2013 khan Gaza Strip a Hamas Political Bureau member ah thlan niin kum 2017 ah hotu lu ber a ni zui bawk.
Sinwar hi a nunrawn leh tharum uar em avangin ‘The Butcher of Khan Younis’ tia koh a ni bawk a. Thununna khauhtaka kengkawhin Sinwar thu hnial chu thi tura inrin mai tur an ti hial.
Israel defence leh security te chuan an tihsual lian bera an sawi chu prisoner exchange hmanga Sinwar an chhuah tir chu a ni.
Hei bakah hian Isrealis te chuan secueity tha zawk peka Hamas te chu economic incentive leh work permit tam zawka pekin hamas movement chu tizalin indo chakna leh duhna a zuai theih an ring a, chutak chu an tihsual liana ni ta a ni.
“Sinwar hian Palestine chhuah zalentu turah a inngai a, economic dinhmun, social service dinhmun titha tu ah a inngai lo” tiin Yaari chaun a sawi bawk.
Kum 2015 khan US State Department chuan Sinwar chu “Specially Designated Global Terrorist” ah a puang a. May 2021 khan Israel chuan gaza Strip-a a chenna leh office te airstrike hmangin a bei bawk a. April 2022 khan TV kaltlangin mipui te chu a rem chang ang pianga Israel bei turin a fuih thung.
14 October khan Israeli military spokesman, Lt Col Richard Hecht chuan Sinwar chu ‘the face of evil’ tia sawiin, “Amah leh a team te hi kan thlurbing a, kan man em em ang” tiin a sawi.
Sinwar hi Iran nen pawha inzawmna nei tha em em a ni bawk a. Shia ram leh Sunni Arab pawl te chu inngaina lem lo an ni chungin an pahnihin tum in ang Israel nuaichimiha Jerusalem chu Israel luahna ata chhuah zalen an tum ve ve a ni.
An thawkho tha hle a. Iran chuan Hamas te chu fund leh ralthuam pe in chakna nasa zawk an neih theih nan ralthuam tha nen lama vur a ni. Chu chu Sinwar an hrechiangin kum 2021 a thusawina a neihaah pawh, “iran awm lo se chuan Palestine chuan tuna theihna a neih ang hi a nei hauh lovang” tiin a sawi.
Israel-in a mi duh Yahya Sinwar zawng zel
