Israel in boruak atangin Hezbollah bei chhunzawm
Israel chuan ninga hnuah boruak atangin Beirut a bei chhunzawm leh a, nimin khan Hezbollah ho bitna hmun chu a kap nasa hle.
Israel sipaite chuan Hezbollah ho nuai chimit tur hian theihtawp kan chhuah zel dawn a, kawng hrang hrang hmangin kan bei zel ang, tiin an sawi.
He an beih tharna avang hian Lebanon chuan an ram chhak lam leh chhim lamah mi 18 in nunna an chan tih an sawi a, pawisawi lo tam takin nunna an chan thu an sawi bawk.
Israel hian Gaza ho beiin thapui a la thawh chhunzawm reng bawk a, Hamas hotu lawk 50 chuang an boral tawh thu an sawi.
Thawhlehni khan US chuan Israel chu pawisawi lote chunga zahngai turin a hrilh a, Israel chu fimkhur tura hrilhin, a chet danin a zir loh chuan US chuan an sipaite an hnukkir hreh dawn lo tih Israel chu a lo hrilh tawh bawk.
Israel in boruak atangin Hezbollah bei chhunzawm
