sraeli sipaite chuan Lebanon chhim lama kum 900 zeta upa, Beaufort Castle leh a lawnna kawng pawimawh tak chu an la niin an sawi a, chawlhkar ruk chuang kaltaa inkahhai puan a nih hnuah inbeihna la kal zui zelah Iran-in an thlawp, Hezbollah laka an hmasawnna lian tak a ni.
He thil hi April thlaa inkahhai a nih hnua Hezbollah-ten Israel hmar lam hawia silai an hmehpuah nasat ni, sikul chawlh leh chet velna khuahkhirh a ngaih phahna a thlen hnua thleng a ni.
Sipaite chuan beihpui thlakna hi Beaufort Ridge leh Wadi al-Saluki-a thunun tumna a nih thu an sawi a, hetih rual hian Iran kaihhruainaa a tlangdunga Hezbollah helhovin hmunhma an din tihchhiatna tur a nih thu an sawi.
Beihpui thlaknaah hian Israeli sipai pakhat a thi ve bawk niin sipaite chuan Pathianni khan an sawi.
Lebanon leh Hezbollah atangin Beaufort Castle lak chungchangah hian engmah sawi an la nei lo.
Hun laihawl hunlaia kulh leh tlangdung an la hian Israel hi Lebanon-ah thuk zawkin ke a pen a, indona awm mek ruala kal ve mek dang, Iran indonaa inkahhai a a awm lai pawhin Israel-Hezbollah sipaite chu inbeiin an la thawkrim dun hle tih a tilang.
Hezbollah hian Iran-a buaina a chhuah atanga ni eng emaw zat hnu, March 2 khan Israel-ah rocket leh drone kapin Iran laka US-Israel tang dun indonaah a lut tan ve a. Hemi hnu hian Israel chuan Iran-in a thlawp helte hi a hmar lam ramri atanga hnawh chhuah tumin a bei tan zui nghal a ni.
Beaufort Castle an la hian Israeli sipaite hi lehlamin an ram an beihna hmun ber, Lebanon chhim lam leh Israel hmar lam hmun tam zawk thlithlai theihna a pe a ni.
Hezbollah hian tlangdung atang hian ‘beihna tam tak an thlen’ niin sipai chuan an sawi a. He hmuna anmahni beihna atana hmunhma tichhe turin beihpui an thlak tih an sawi a, heng hmun atang hian ‘Israeli civil mite leh IDF sipaite lam hawiin hlauhawm za tam tak kahchhuah thin a ni’ tih an sawi.
Israeli sipaite hian Lebanon chhim lama Hezbollah kulhpui lian tak, Nabatieh bulah pawh beihpui an thlak mek niin sipaite chuan an sawi.
Israel-in Lebanon-a Beauford Castle leh a tlangdung an la
