Israel in naupang clinic an kap niin Palestine in sawi
Palestinian thuneitute chuan Gaza hmar lama naupang zenghri danna pekna hmun clinic pakhat chu Israel in drone hmangin an kap niin a sawi a, mi parukin hliam tuarin an zingah hian naupang pali an tel thu an sawi. Hetih lai hian Isarael sipaite chuan hei hi an pha thung.
He inbeihna thlen hun hi zirtawpni kha niin, Israel sipaite hual vel hnua thleng a nih thu Palestine chuan sawiin, hrereng chunga kap lui an nih thu an sawi a ni.
He lai bial hi Israel in kar engemawzah liam ta atanga beihpui a thlakna hmun niin, mi za chuangin nunna an chan phah tawh a, mi sang chuang hmun himah sawnchhuah an lo ni tawh bawk.
He thil thleng hi WHO leh UNICEF lamin naupang hri danna pek kawngah tha thawh beihpui an thlak lai a nih avangin sawisel a kai hle a, Israel demtu pawh an tam phah hle. Israel sipaite erawh chuan an tih a nih loh thu leh an hmalakna tur an finfiah hmasak phawt thin thu an sawi a, helhote leh anmahni hawtute thil tih niin an sawi ve thung.
Israel in naupang clinic an kap niin Palestine in sawi
