Daily Newspaper

Italy-in Krismas laia zin veivah khap dawn

7

Italy chuan 21 December atanga 6 January inkar chhung Christmas holiday laia coronavirus avanga khuahkhrihna nasa zawk a kalpui turah region inkalpawh a khap dawn.

Hei mai bakah hian zan dar 10 atanga zing dar 5 curfew a ni dawn bawk a. Restaurant te chu zan dar 6 thleng an hawng thei ang a, Ski slope te chu 7 January thlenga khar tur a ni bawk.

Italy hian Covid len tirh ata nikhat thil thua nunna chan tam ber tum tawngin mi 993 in nunna an chan a ni.

“Inthlahdul thei kan ni lo” tiin Prime Minister Giuseppe Conte chuan news conference a neihah sawiin, “January thlaa third wave thleng thei kan pumpelh ngei a ngai a, first leh second wave aia a nep a ngai a ni,” tiin a sawi bawk.

Hnathawh, medical thil leh emergency thilah lo chuan zin veivah khap a ni dawn bawk a. Regional travel ban bakah hian mipuite chu Christmas, Boxing Day leh New Year’d Day-ah te an khua an chhuahsan phalsak an ni dawn lo bawk.

Italy sorkarin khuahkhirhna thar a kalpui tur hian sawisel a tawk nasa hle a, regional authority te chuan thuchhuah intawm siamin central sorkar chuan a rawn loh thu an sawi a.

Italy-a Covid avanga nunna chan leh kai tamna ber Lombardy region governor Attilio Fontana chuan khuahkhirhna thar chu ‘atthlak’ tiin a sawi.

Italy-ah hian Covid-19 avangin nunna chan 58,000 chuang an awm tawh a. Nilaini a nunna chan 993 tihlohah chuan March ni 27-a nunna chan 969 awm kha nikhat thil thua Covid avanga nunna chan tam ber a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy