Daily Newspaper

ITI CCC-a chaw pek har chhan enfiah

6

Health secretary H Lalengmawia chuan Thawhlehni zing khan ITI Venga Covid Care Centre a hmunah kalin a tlawh.

Health secretary hi ITI Veng local level task force-te nen UPHC ITI-ah an inkawm a. Tunhnaia he centre-a awmten chaw an nghei niawma thuthang awm chu an sawi ho. Sawi hona atanga a lan danin, he centre-a awmte chaw supply-tu hi rinhlelh thil avangin sample lak tura tih an ni a, hemi chhung hian chaw supply-tu hi an khaihlak deuh avanga chaw nghei anga sawi mai an ni tih a hmunah finfiah a ni a. Secretary chuan he thil hi pawi a tih thu leh tunhnuah thleng tawh lo se a duh thu a sawi.

Hei bakah hian he centre enkawl nana thil tul dang sawipuiin task force-te harsatna leh mamawh a ngaihthlak sak a. Tihhlawhtlin sak nghal a nih tur thu a sawi. Health secretary chuan ITI Veng local task force leh khawtlang mipui chu Covid-19 dona kawnga an inpeknaah lawmthu a hrilh a. Veng mipuite chu thlamuang taka awm tura chahin sawrkarin ITI Covid Care Centre-ah hian administration leh management pawh felfai lehzuala kalpui a tum thu a sawi a ni.

CCC-a thawktute chu ITI LLTF hnenah damlo lutchhuak zat bakah tul leh mamawh an neihte information kimchang pe thin turin a hrilh a. Khawtlang neitu an nih angin thuneihna pawh danin a phalsak chinah khauh zawka kalpui hreh lo turin LLTF chu a chah a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy