Daily Newspaper

ITI CCC-a Covid positive chhuahtir an nih vangin hriatthiam dil

12

ITI Covid Care Centre-a Covid-19 kai avanga dah, ni 10 an awm tlin tawh avanga an lo chhuahtir ngawt chu pawi an tih thu leh mipui hriatthiamna an dil thu Health & Family Welfare minister Dr R Lalthangliana chuan a sawi.

Ningania Assembly Session-ah ZPM member Lalduhoma chuan speaker remtihna in ‘calling attention’ a hmang a. Covid-19 chungchangah a hri kaite an natna langchhuak lo (symptom nei lo) te chu enkawlna hmunah ni 10 an awm thlenga symptom an neilo a nih chuan inlama inkhunghranga inenkawl tura haw tirna tur ‘Discharge Policy for Covid-19’ chu hman la rem lo a tih thu leh tunhnaia ITI Covid Care Centre-a Covid kai, an negative tih finfiah la nilo te an o chhuah tir mai chu an thenawm khawveng a ti phawklekin an in luahna te pawhin tha lo an tih thu an sawi a ni, a ti.

Calling attention hman dilna a thehluh laiin heng positive chhuahtirte CCC-ah hian kohkir an nih thu hriat ala ni loa, a hnu ah Health secretary hoa thutkhawm hmanhmawh neiin heng mite hi chhuahtir loh tura kohkir leh an nih thu te a sawilang a ni.
“Loh theih loh thilin min nang a, positive an tam ta viau a nih chuan thuhran nise, tunah rih chuan ni 10 hnua Covid enkawlna atanga inchhuahtir mai hi chu tih loh nise,” tiin sawrkar a ngen tih a sawi.

Health minister chuan ITI Covid Care Centre-a thil thleng hi helaia medical officer, CMO (W) Aizawl te inrawnna atangin, sawrkar notification awm si loa thil an tih nia a lan thu a sawi a. Pawi an tiin hriatthiamna an dil tih a sawi. An hriat ve leh hemi zan la la hian Health secretary hoa thukhawmin, kohkir tura buaipui nghal a ni tih a sawi bawk.

Sawrkar chhinchhiah danin ITI CCC atanga Covid kai enkawl lai, chhuahtir takte hi mi 8 niin Mamit district mi 2 leh Chanmari West mi 1 bakah hnamdang 5 an ni. An zinga pakhat tih loh chu bepawpin CCC-ah hian dahluh leh vek an ni a, an zinga hnamdang pakhat, Bihar lam mi, Durtlanga khawsa erawh an bepawp thei loa, police-ten an mobile phone hmanna atanga an chhuinaah Patna-a mobile tower a hmang tih hriat a ni a, hei vang hian Bihar a thleng tawh a nih an ring tih a sawi a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy