Irrigation & Water Resources minister PC Vanlalruata hoin department hnathawh dan thlirletin Nilaini khan an thukhawm a. Division leh Sub Division hrang hranga hnathawh dan sawiho a ni.
Scheme leh project – National Hydrology, Rationalization of Minor Irrigation Statistics, PM KUSUM, NABARD, PMKSY-Har Khet Ko Pani, Flood Management Programme leh Brahmaputra Board hnuaia project hnathawh dan thlirlet a ni bawk.
Minister chuan khawvel changkang zelah hmasawnna in tui mamawhna a ti sang zel a, tui hna leh tui humhalh chu mitin mawhphurhna a ni tih a sawi. Sawrkarin thingtlangah leh khawsak harsa zawkte tan scheme leh project a chhawpchhuah sakte tangkai leh daihzai taka hman a nih theih nan ngawrh zawka hma la turin officer-te a chah a ni.
Mizoram sawrkarin Water Policy 2020 leh Water Resources Act 2024 a zirchian mek thu PC Vanlalruata hian a sawi a. Mizoramin tha leh chhenfakawm zawka tui leh tui hna tih pun kawnga tan a lak tur thu a sawi. Department dangte nen an inrawn khawm mek thu a sawi bawk.
I&WR department-in hnathawh thlirlet
