Mizorama jail hrang hrangah, thenkhata an tawt deuh laiin an thawl na deuh a awm a, a inhnaih zual deuhah tang hi sawn kual an ni dawn.
Prison department-a inspector general of Prisons R Lalremsanga chuan Ningania Lawngtlai District Jail a tlawhnaah hei hi a sawi a. District Jail pathum – Aizawl, Champhai leh Lunglei bakah Central Jail ah jail-a leng tur aia tam tang an neih avangin, district dangah sawn an ngai a. Lawngtlai District Jail-ah pawh Lunglei District Jail atangin tang 10 dah an ni dawn tih a sawi.
IG Prison hian Lawngtlai District Jail-a tang mekte kawmin, harsatna an neih leh neih loh a zawt a. Jail ward fangin, inthiarna leh electric leh tui lama mamawh an neih neih loh bakah jail hungna a him leh him loh a enfiah. Tangte hian tun dinhmunah inenkawlna a that thu leh harsatna an neih loh thu an lo hrilh.
Lawngtlaia kohhran hrang hrang leh pawl hminga District Jail tlawha thilpek pe thin an awm chu lawmawm a tih thu sawiin, khawtual miten lo inti neitu zel se a duh tih a sawi a ni.
Jail tawt zuala tang thenkhat jail thawl deuhah sawn dawn
