Indian External Affairs Minister Dr S Jaishankar-a chuan ni hnih cham turin United Arab Emirates (UAE) a tlawh tan a, Asia khawthlanga buaina chhuak mek leh he biala Indian-te himna tur ngaihtuah mek karah Abu Dhabi-ah sorkar hotu lawkte a kawm ang.
Jaishankar-a hian Inrinni khan UAE Deputy Prime Minister leh Foreign Minister Sheikh Abdullah bin Zayed Al Nahyan a hmu nghal a, ram hnih inkar inthlak danglam zel leh a nghawng dan chungchang sawi dun.
External affairs minister chuan Indian-te himna leh hamthatna tur kawnga UAE sorkarin a thlawpnaah lawm thu a hrilh a, ram pahnihte thawhhona leh Comprehensive Strategic Partnership thuk zawka kalpui dan tur an thlirho bawk.
Hemi hma hian X-ah Jaishankar-a hian UAE a thlen hnu lawkah Indian awmte nen an inkawm thu a tar lang a. “Asia khawthlang buaina karah Indian sorkarin an thatna leh himna tura hma a lak dan sawi a ni,” a ti.
Ram danga Indian awmte hnenah hian, “Hetiang hun harsa tak kara tual chhung khawtlang tana an thawhhlawkzia te, chubakah Indian-te himna tur kawnga UAE sorkarin a thlawpnate ka lawmpui a ni,” a ti.
External affairs ministry pawhin Inrinni leh Pathiannia minister zinna hian thawhhona tha tak thlirletna leh ram pahnihte inlaichinna tihchak lehzual a tum thu a tar lang a. Jaishankar-a’n a tlawh hi Petroleum & Natural Gas Minister Hardeep Singh Puri-a nen Gulf rama Asia khawthlanga thil danglam awm mek zel zel karah India-in energy-a himna a neih tihchakna tura hmalakna pakhat a nih thu a tar lang bawk.
Jaishankar-a’n UAE tlawh
