Daily Newspaper

James Bond film tlangzarh hun an sawn hla leh ta

29

James Bond film 25-na ‘No Time to Die’ chu cinema hall-a chhuah hun tur an sawn hla leh ta, coronavirus avangin he film tlangzarh hun tur hi vawi hnih an sawnna a ni ta a, kumtharah tlangzarh zawk law law an tum fel ta a ni.

‘No Time to Die’ hi UK-ah March ni 31, 2020 leh ram dangah April 8, 2020 a tlangzarh tura tih a ni a, mahse, coronavirus hripui leng avanga cinema hall te an khar tak vek avangin tlangzarh hun tur an sawn hla a, UK-ah November ni 12 leh US-ah November ni 25-a tlangzarh turin an ti leh ta zawk a, tunah chuan hei pawh an sawn hla leh ta a, April ni 2, 2021-ah an tlangzarh dawn ta zawk a ni.

Film siamtute chuan khawvel huapa entu tam zawk an awm theih nan tlangzarh hun hi an sawn hla leh ta niin an sawi. Tunah hian US leh ram thenkhatah cinema hall te inhawng leh tan tawh mah se sum che velin ngai a la awh thei lo a, hei vang hian ‘No Time to Die’ tlangzarh hun pawh hi an sawn leh ta a nih a rinawm.

‘No Time to Die’-ah hian James Bond chu enthlak hna atanga chawlin, Jamaica-ah a chawl hahdam a, mahse, a thian hlui CIA agent Felix Leiter-a’n a puihna a mamawh ta tlat mai a, scientist kidnap chhanchhuah tuma an veh kualna lamah misual hmanraw thar hlauhawm tak, khawvel mihring suat puk theihna hmanraw siam thar te an chhui chhuak ta a, an rin aia hnawk leh khirh zawkah an tal lut ta a ni.

No Time to Die-ah hian Daniel Craig chu James Bond lemah a chang leh a, Bond film panga a channa niin, hei hi Bond lema a chan tawpna tur a ni tawh dawn a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy