Daily Newspaper

James Bond thar tur Tom Hardy

31

British actor Tom Hardy chu Daniel Craig thlak a James Bond thar tur niin report a awm ta. Daniel Craig hian James Bond film thar ber, Bond film 25-na ni bawk ‘No Time To Die’ a chang zo tawh a, hei bak hi chu 007 lemah hian a chang chhunzawm tawh dawn lo tih a lo puang chiang tawh a, tuin nge thlak ang tihin ngaihven a hlawh ru reng a, tunah chuan Tom Hardy hming a rawn lang ta a ni.

No Time To Die hi November ni 12-ah cinema hall-ah an chhuah tan tawh dawn a, he film hi April thlaa tlangzarh an tum kha ni mah se coronavirus hripui lengin production a tihbuai bakah cinema hall zawng zawng khar a ni a, hei vang hian Bond 25 tlangzarh hun pawh an sawn hla ta a ni.

Tuna report-ah chuan Tom Hardy hi June thla khan Craig thlak tur hian an lo la fel daih tawh a ni awm e. Mahse, tuna Craig channa thar hi an tlangzarh fel hma chuan Bond thar tur hi official-a puan theih a la ni lo. Daniel Craig hian James Bond film panga a chang hman a, No Time To Die production an tan hma pawhin, Bond anga a inlanna hnuhnung ber a nih tawh tur thu a lo puang chiang tawh a, James Bond thar turin ngaihven a hlawh hle a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy